LPG shortage – पश्चिम आशियातील युद्धामुळे निर्माण झालेल्या एलपीजी (LPG) गॅस तुटवड्यावरून काँग्रेसने राज्य सरकारला धारेवर धरले आहे. या प्रश्नाकडे लक्ष वेधण्यासाठी प्रदेशाध्यक्ष नाना पटोले आणि विधानसभा विरोधी पक्षनेते विजय वडेट्टीवार यांनी शुक्रवारी महाराष्ट्र विधिमंडळाच्या पायऱ्यांवर गॅस सिलिंडरची प्रतिकृती हातात घेऊन निदर्शने केली. राज्य सरकार तुटवडा नसल्याचा दावा करत असले, तरी प्रत्यक्षात नागरिक सिलिंडरसाठी रांगा लावत आहेत. अनेक हॉटेल्स बंद झाली असून खाद्यपदार्थांचे रेशनिंग सुरू झाले आहे, असा दावा वडेट्टीवार यांनी केला. LPG shortage Fuel Shortage नाना पटोले यांनी नमूद केले की, शहरात शिक्षणासाठी राहणाऱ्या विद्यार्थ्यांना गॅसअभावी जेवणाची अडचण होत असल्याने त्यांना गावी परतावे लागत आहे. संकटकाळात एलपीजीचा मोठ्या प्रमाणावर काळाबाजार सुरू असून सरकार त्यावर कोणतीही कारवाई करत नसल्याचा आरोप काँग्रेसने केला आहे.LPG shortage काँग्रेसने या परिस्थितीविरोधात राज्यभर तालुका स्तरावर आंदोलने सुरू केली आहेत. “एलपीजीच्या सध्याच्या स्थितीबाबत सरकारने सभागृहात स्पष्टीकरण द्यावे आणि हे संकट त्वरित सोडवावे,” अशी मागणी यावेळी करण्यात आली.
