CM Vijay : तामिळनाडूच्या राजकारणात पुन्हा एकदा मोठी खळबळ उडाली आहे. विधानसभा निवडणुकीत सर्वात मोठा पक्ष ठरल्यानंतर TVK प्रमुख विजय यांनी मुख्यमंत्रीपदाची शपथ घेतली. मात्र आता माजी मुख्यमंत्री स्टॅलिन यांनी विजय यांच्या नेतृत्वाखालील सरकार कधीही कोसळू शकते, असा दावा केल्याने राज्यातील राजकीय घडामोडींना वेग आला आहे. (CM Vijay) मिळालेल्या माहितीनुसार, स्टॅलिन यांनी पक्षाच्या जिल्हा सचिवांना आगामी निवडणुकांसाठी सज्ज राहण्याच्या सूचना दिल्या आहेत. “सध्याचे सरकार कोणत्याही क्षणी पडू शकते. त्यामुळे पक्षाने निवडणुकीसाठी कायम तयारीत राहिले पाहिजे. पराभव हा कायमस्वरूपी नसतो. 2029 च्या लोकसभा निवडणुकांसोबतच विधानसभा निवडणुकाही होऊ शकतात आणि आपण पुन्हा सत्तेत येऊ,” असे त्यांनी म्हटल्याचे सांगितले जात आहे. (CM Vijay) दरम्यान, यापूर्वीही द्रमुकच्या काही आमदारांनी विद्यमान सरकार सहा महिन्यांत कोसळेल, असा दावा केला होता. त्यामुळे या चर्चांना आणखी हवा मिळाली आहे. (CM Vijay) सरकारसमोर कोणती आव्हाने? (CM Vijay) द्रमुकच्या सूत्रांच्या माहितीनुसार, सरकारला पाठिंबा देणाऱ्या सहयोगी पक्षांनी माघार घेतल्यास सत्ताधारी आघाडी अडचणीत येऊ शकते. विशेषतः विदुथलाई चिरुथाईगल काची (VCK), भारतीय कम्युनिस्ट पार्टी (CPI), भारतीय कम्युनिस्ट पार्टी (मार्क्सवादी) (CPM) आणि इंडियन युनियन मुस्लिम लीग (IUML) यांनी पाठिंबा काढून घेतल्यास राजकीय अस्थिरता निर्माण होऊ शकते. याशिवाय AIADMK मधील बंडखोर आमदारांवर कारवाई झाल्यासही सरकारचे संख्याबळ कमी होण्याची शक्यता व्यक्त केली जात आहे. (CM Vijay) सोशल मीडियामुळे TVK ला यश? स्टॅलिन यांनी TVK वर सोशल मीडियाच्या माध्यमातून मतदारांवर प्रभाव टाकल्याचा आरोपही केला. “सोशल मीडियाचा प्रभाव वापरून तरुण आणि मुलांच्या माध्यमातून कुटुंबांपर्यंत पोहोचण्यात आले. ही बाब आमच्या लक्षात आली नाही. मात्र आता द्रमुक अधिक सतर्क राहणार असून अशा प्रचाराला तोंड देण्यासाठी स्वतंत्र रणनीती आखण्यात येत आहे,” असे त्यांनी सांगितले. (CM Vijay) पराभवाचे विश्लेषण करण्यासाठी समिती तामिळनाडू विधानसभा निवडणुकीतील पराभवाची कारणे शोधण्यासाठी द्रमुकने 36 सदस्यीय समिती स्थापन केली आहे. ही समिती राज्यातील सर्व 234 मतदारसंघांचा अभ्यास करून कार्यकर्ते आणि स्थानिक पदाधिकाऱ्यांकडून सूचना घेणार आहे. त्यानंतर पक्ष नेतृत्वाला सविस्तर अहवाल सादर केला जाणार आहे. (CM Vijay) हेही वाचा Saurabh Vijay : यूआयडीएआयच्या सीईओपदी सौरभ विजय; सोमवारी स्वीकारला पदभार