Pune News : मुळशी तालुक्यातील वाढते नागरीकरण आणि औद्योगिक वसाहतींमधील वाहतूक कोंडी लक्षात घेऊन चांदणी चौक ते पिरंगुट, घोटावडे फाटा मार्गे हिंजवडी या नव्या मेट्रो मार्गाचा सविस्तर प्रकल्प अहवाल तातडीने तयार करण्याचे आदेश केंद्रीय राज्यमंत्री मुरलीधर मोहोळ यांनी दिले आहेत. पुणे जिल्हाधिकारी कार्यालयात आयोजित जिल्हा विकास समन्वय व संनियंत्रण समितीच्या (दिशा) बैठकीत ते बोलत होते. (Pune News)

सध्या वनाझ ते रामवाडी या मेट्रो मार्गाचा विस्तार चांदणी चौकापर्यंत करण्यास मान्यता मिळाली असून त्याचे प्रत्यक्ष कामही सुरू झाले आहे. मात्र, पुढील टप्प्यात ही मेट्रो भूगाव-भुकूम आणि पिरंगुटपर्यंत नेण्याची मागणी स्थानिक नागरिक व प्रवाशांकडून सातत्याने होत होती. (Pune News)

या बैठकीत मोहोळ यांनी थेट हिंजवडी आयटी पार्कला जोडणाऱ्या विस्तारित मार्गाचा डीपीआर तयार करण्याचे निर्देश दिल्याने या मेट्रो प्रकल्पाला आता गती मिळणार आहे. खासदार सुप्रिया सुळे यांनीही या प्रस्तावाला बैठकीत ठाम अनुमोदन देत हा मेट्रो मार्ग परिसरासाठी अत्यंत आवश्यक असल्याचे स्पष्ट केले. (Pune News)

मुळशी तालुक्यात गेल्या काही वर्षांत वेगाने नागरीकरण होत आहे. पिरंगुट आणि घोटावडे फाटा परिसरात मोठ्या प्रमाणावर औद्योगिक क्षेत्र विकसित झाले असून, या भागात लहान-मोठ्या कंपन्या कार्यरत आहेत. त्यामुळे या परिसरात दररोज मोठ्या संख्येने कामगार आणि नागरिकांची ये-जा होत असते. (Pune News)

भूगाव-भुकुम परिसरातही निवासी व व्यावसायिक विकास वाढत असून, शाळा, महाविद्यालये आणि अन्य सुविधा उपलब्ध झाल्याने या भागातील लोकसंख्येत मोठी वाढ झाली आहे. ग्रामीण भागातून पुणे शहरात येणारे तसेच शहरातून मुळशी तालुक्याकडे जाणाऱ्या नागरिकांची संख्या वाढत असल्याने या मार्गावर वाहतुकीचा ताणही वाढत आहे. (Pune News)

 

हिंजवडीशी थेट जोडणीची शक्यता

पुण्याच्या आयटी हब म्हणून विकसित झालेल्या हिंजवडीशी मुळशी तालुक्यातील वाढत्या नागरी व औद्योगिक पट्ट्याला मेट्रोने जोडल्यास या भागातील वाहतुकीला मोठा पर्याय उपलब्ध होऊ शकतो. (Pune News)

चांदणी चौकातून पुढे भूगाव- पिरंगुट, घोटावडे फाटा मार्गे हिंजवडी अशी जोडणी झाल्यास पुणे शहर, मुळशी आणि हिंजवडी यांच्यातील सार्वजनिक वाहतूक व्यवस्था अधिक सक्षम होण्याची अपेक्षा आहे. (Pune News)

चांदणी चौक-पिरंगुट-हिंजवडी मेट्रो मार्गाचा डीपीआर तयार करण्याचे आदेश देण्यात आल्याने प्रस्तावित मार्गाच्या प्रत्यक्ष नियोजनाला सुरुवात होणार आहे. डीपीआरमध्ये मार्गाची लांबी, स्थानकांची संख्या व ठिकाणे, प्रवासी संख्या, खर्च, तांत्रिक व्यवहार्यता तसेच आवश्यक पायाभूत सुविधांचा सविस्तर अभ्यास केला जाणार आहे. (Pune News)

Pune News : सीएचबी प्राध्यापकांच्या मानधन वाढीची घोषणा हवेतच विरली; प्राध्यापकांकडून संतप्त भावना व्यक्त

Pune News : ५ लाखांची लाच घेताना पोलिस हवालादराला रंगेहाथ पकडले; ACB ची धडक कारवाई