CET 2026 Registration – विविध व्यावसायिक अभ्यासक्रमांच्या प्रवेश परीक्षांसाठी नोंदणी करणाऱ्या हजारो विद्यार्थ्यांना सीईटी सेलने दिलासा दिला आहे. अर्ज भरताना आधार कार्ड, अपार आयडी प्रमाणीकरणात येणाऱ्या तांत्रिक अडथळ्यांमुळे अनेकजण चिंतेत होते. ही बाब लक्षात घेऊन, आधार प्रमाणीकरणाशिवायही अर्ज सादर करण्याची सवलत दिली असून ती आजपासून पोर्टलवर सुरू झाली आहे. सीईटी २०२६ च्या नोंदणीत पारदर्शकता आणण्यासाठी आधार आणि अपार प्रमाणीकरणाचा मार्ग निवडला होता. मात्र, गेल्या काही दिवसांपासून अनेकांना ओटीपी न येणे किंवा पोर्टलवर डेटा मॅच न होणे अशा समस्यांचा सामना करावा लागत होता. यामुळे अनेकजण विद्यार्थी नोंदणी प्रक्रियेत मागे पडत होते. कोणताही विद्यार्थी तांत्रिक कारणास्तव परीक्षेपासून वंचित राहू नये, यासाठी राज्य सामाईक प्रवेश परीक्षा कक्षाचे आयुक्त दिलीप सरदेसाई यांनी या अटीमध्ये शिथिलता देण्याचा निर्णय घेतला आहे. ज्यांना आधार प्रमाणीकरण करणे शक्य आहे, त्यांनी मूळ प्रक्रियेनुसारच अर्ज भरावा. मात्र, ज्यांना तांत्रिक अडथळे येत आहेत, ते आता पोर्टलवर उपलब्ध पर्यायी सुविधेचा वापर करून अर्ज पूर्ण करू शकणार आहेत. उमेदवारांनी वेळेत मुदतीत अर्ज सादर करावेत आणि कोणत्याही अफवांवर विश्वास न ठेवू नये असे आवाहनही सीईटी सेलने केले आहे. या निर्णयामुळे अर्ज भरताना विद्यार्थ्यांवर येणारा मानसिक ताण कमी होण्यास मदत होईल. सीईटी नोंदणी अनिवार्य व्यावसायिक अभ्यासक्रमांच्या प्रवेशासाठी सीईटी देणे बंधनकारक आहे. सीईटी न देता कोणत्याही विद्यार्थ्यास प्रवेश घेता येत नाही. त्यामुळे सीईटी महत्त्वपूर्ण आहे. त्यासाठी नोंदणी करावी लागते. नोंदणी केल्यानंतर सीईटी देता येते. सीईटीचा निकाल लागत्यानंतर प्रवेशासाठी प्रत्यक्ष अर्ज करावे लागतो. त्यानंतर गुणानुसार विद्यार्थ्यांची प्रवेशासाठी निवड केली जाते. त्यामुळे सीईटीसाठी वेळेत नोंदणी करणे महत्त्वाचे आहे.
