Canada Open 2024 badminton : त्रिशा जॉली आणि गायत्री गोपीचंद या भारतीय जोडीने गुरुवारी कॅनडा ओपन 2024 बॅडमिंटन महिला दुहेरी स्पर्धेत दुसऱ्या फेरीत नतास्जा एंथोनीसेन आणि एलिसा तिर्टोसेंटोनो या डॅनिश-डच जोडीचा पराभव केला. मार्किन-मॅकफेल सेंटरमध्ये स्पर्धा करताना, 2022 च्या राष्ट्रकुल स्पर्धेतील कांस्यपदक विजेत्या भारतीय जोडीने पहिला गेम गमावला परंतु यानंतर शानदार पुनरागमन करत 48 मिनिटांमध्येच 17-21, 21-7, 21-8 ने सामना जिंकला.

सातव्या मानांकित त्रिशा आणि गायत्रीचा शुक्रवारी उपांत्यपूर्व फेरीत सीह पेई-शान आणि हंग एन-त्ज़ु यांच्याशी सामना होईल. 2024 मधील भारतीय जोडीची ही पहिली सुपर 500 उपांत्यपूर्व फेरी असेल. गेल्या महिन्यात, त्रिशा-गायत्री यांनी सिंगापूर ओपन 2024 या BWF सुपर 750 स्पर्धेच्या उपांत्य फेरीत प्रवेश केला होता.

IND vs SA 1st T20I : कसोटीनंतर आता T20 चा थरार..! भारतीय संघ आज द. आफ्रिकेशी भिडणार, जाणून घ्या कुठे आणि कसा Free मध्ये पहायचा Live सामना…

दरम्यान, दोन वेळची ऑलिम्पिक पदक विजेती पीव्ही सिंधू आणि जागतिक चॅम्पियनशिप कांस्यपदक विजेते एचएस प्रणॉय आणि लक्ष्य सेन यांनी पॅरिस 2024 ऑलिम्पिकच्या तयारीच्या पार्श्वभूमीवर कॅनडा ओपन 2024 मध्ये सहभाग घेतलेला नाही.