चंदीगड –  पंजाब विद्यापीठ, चंदीगड यांनी आयोजित केलेल्या अखिल भारतीय कुलगुरू चषक T-20 स्पर्धेत सावित्रीबाई फुले पुणे विद्यापीठ शिक्षक व शिक्षकेतर कर्मचारी क्रिकेट संघ साखळी सामन्यामधील 4 पैकी 3 सामने जिंकून उपांत्यपूर्व फेरीत दाखल झाला आहे.

साखळी सामन्यात पुणे विद्यापीठ संघाने राष्ट्रसंत तुकडोजी महाराज नागपूर विद्यापीठ संघास 85 धावांनी, शेर-ए-कश्मीर कृषी विद्यापीठ, जम्मू संघास 6 विकेट्सने व केंद्रीय विद्यापीठ, महेंदरगड संघास 3 विकेट्सने हरवून उपांत्यपूर्व फेरीत आपले स्थान निश्चित केले आहे.

पुणे विद्यापीठ विरुद्ध पंजाब विद्यापीठ, चंदीगड यांच्यात रविवारी (दि 20) रोजी उपांत्यपूर्व फेरीची लढत होणार आहे. यावेळी पुणे विद्यापीठाचे सामने पाहण्यासाठी भारतीय क्रिकेट संघाचे माजी क्रिकेटपटू योगराज सिंग उपस्थित होते. ( All India Vice-Chancellor’s Cup T-20 tournament 2024)

पुणे विद्यापीठ संघ  –
सावित्रीबाई फुले पुणे विद्यापिठाच्या संघात मनीष गायकवाड (कर्णधार), सुनील मते (उपकर्णधार), सचिन सुर्वे, विनोद नरके, नितीन प्रसाद, दीपक गजरमल, संतोष सुगावे, बसवंत गजलवार, शंतनु काशीद, सुशांत बुलबुले , दिनेश वाल्मिकी, अक्षय वाल्मिकी, अनिकेत हंबीर व मारुती शिनगारे (संघ व्यवस्थापक) यांचा समावेश आहे.