Railway Bonus 2026 : दिवाळीपूर्वी केंद्र सरकारने रेल्वे कर्मचाऱ्यांना मोठी भेट दिली आहे. पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत पात्र रेल्वे कर्मचाऱ्यांना ७८ दिवसांचा उत्पादकता आधारित बोनस (PLB) देण्यास मंजुरी देण्यात आली आहे. (Railway Bonus 2026)

या निर्णयामुळे देशभरातील सुमारे ११.४० लाख रेल्वे कर्मचाऱ्यांना लाभ मिळणार असून, यासाठी २,००९.६१ कोटी रुपयांचा निधी मंजूर करण्यात आला आहे. केंद्रीय मंत्री अश्विनी वैष्णव यांनी या निर्णयाची माहिती दिली. (Railway Bonus 2026)

रेल्वे कर्मचाऱ्यांना किती बोनस मिळणार?

या निर्णयानुसार, प्रत्येक पात्र रेल्वे कर्मचाऱ्याला ७८ दिवसांच्या वेतनाच्या आधारे कमाल १७,९५१ रुपये बोनस मिळू शकतो. हा बोनस पात्र अराजपत्रित रेल्वे कर्मचाऱ्यांसाठी असून, सर्व कर्मचाऱ्यांना समान रक्कम मिळेलच असे नाही. बोनसची गणना निर्धारित वेतनमर्यादेनुसार केली जाते. (Railway Bonus 2026)

कोणत्या कर्मचाऱ्यांना मिळणार लाभ?

रेल्वेच्या विविध विभागांतील पात्र कर्मचाऱ्यांना या बोनसचा लाभ मिळणार आहे. यामध्ये ट्रॅक मेंटेनर्स, लोको पायलट, ट्रेन मॅनेजर्स (गार्ड), स्टेशन मास्टर्स, सुपरवायझर्स आणि तंत्रज्ञ, टेक्निशियन हेल्पर्स, पॉइंट्समन या कर्मचाऱ्यांचा समावेश आहे.  (Railway Bonus 2026)

मंत्रालयीन कर्मचारी आणि इतर पात्र गट ‘क’ कर्मचारी

रेल्वे कर्मचाऱ्यांना दरवर्षी दुर्गापूजा आणि दसऱ्याच्या सणांपूर्वी उत्पादकता आधारित बोनस दिला जातो. यंदाही दिवाळीच्या पार्श्वभूमीवर हा निर्णय घेण्यात आला आहे. (Railway Bonus 2026)

रेल्वेची विक्रमी कामगिरी

आर्थिक वर्ष २०२५-२६ मध्ये भारतीय रेल्वेने मालवाहतूक आणि प्रवासी वाहतुकीत उल्लेखनीय कामगिरी केल्याची नोंद आहे. रेल्वेने १,६७० दशलक्ष टन मालाची वाहतूक केली, तर सुमारे ७.४१ अब्ज प्रवाशांनी रेल्वेने प्रवास केला. रेल्वे कर्मचाऱ्यांच्या योगदानाची दखल घेऊन बोनस मंजूर करण्यात आला आहे. (Railway Bonus 2026)

मंत्रिमंडळाचे इतर महत्त्वाचे निर्णय

रेल्वे बोनसबरोबरच केंद्रीय मंत्रिमंडळाने सामाजिक सुरक्षा योजनांबाबतही निर्णय घेतले आहेत. राष्ट्रीय सामाजिक सहाय्य कार्यक्रमाला २०२६-२७ ते २०३०-३१ या कालावधीसाठी मुदतवाढ देण्यात आली असून, त्यासाठी ५३,४२८ कोटी रुपयांची तरतूद मंजूर करण्यात आली आहे. (Railway Bonus 2026)

तसेच, दिव्यांग निवृत्तीवेतनासाठी पात्रतेची किमान दिव्यांगत्व मर्यादा ८० टक्क्यांवरून ४० टक्क्यांपर्यंत कमी करण्याचा आणि वयाची अट हटवण्याचा निर्णय घेण्यात आल्याचे वृत्त आहे. या बदलांमुळे पात्र लाभार्थ्यांना सामाजिक सुरक्षा योजनांचा लाभ मिळण्याचा मार्ग सुकर होऊ शकतो. (Railway Bonus 2026)

Pune–Nashik Railway : पुणे-नाशिक रेल्वेसाठी संगमनेर येथे जागरण-गोंधळ आंदोलन

Pune Beed Railway: बीड-पुणे ट्रॅव्हल्सचे भाडे थेट ३५० रुपयांवर! रेल्वे धावताच खासगी ट्रॅव्हल्सची मनमानीला लगाम