Balasaheb Thorat | Eknath Shinde | स्थानिक निवडणुकीच्या पार्श्वभूमीवर अहिल्यानगर जिल्ह्यातील राजकीय वातावरण चांगलेच तापले आहे. कालच संगमनेर नगरपालिका निवडणुकीच्या उमेदवारांसाठी आयोजित प्रचारसभेतेून शिवसेनेचे नेते उपमुख्यमंत्री एकनाथ शिंदे यांनी दोन मंत्र्यांना फोन लावत कामे मंजूर करण्याचे आदेश दिले. शिंदेंच्या विशेष ‘फोन ऑर्डरची’ बरीच चर्चा झाली. आता काँग्रेस नेते बाळासाहेब थोरात यांनी या फोन अॅार्डरची मिश्किल शैलीत खिल्ली उडवली आहे. जिथे जाईल तिथे मंत्र्यांना फोन लावून हे मंजूर ते मंजूर करतायेत, निवडणुकीत असे स्टंट करायला लागतात पण त्यालाही काही मर्यादा असते, अशा शब्दांत थोरांतांनी शिंदेंना सुनावले. निवडणुकीत थोडी बनवाबनवी करावी लागते. तुम्हाला निवडणूक काळात फंडे करायची सवय आहे. पण संगमनेरची जनता हुशार आहे, असे देखील थोरात म्हणाले. शिंदे संगमनेरमध्ये आले होते, त्यावेळी शहरासाठी जे जे काही लागेल ते सगळे मंजूर होते. त्यांच्या भाषणातून हे मंजूर ते मंजूर असे त्यांनी सांगितले. लोक म्हटले थोडं पाणी पाहिजे शिंदे म्हणतात धरण मंजूर, लोक म्हणतात धरणाला नदी नाही नदी मंजूर. नदीला पाणी नाही डोंगर मंजूर, निवडणुकीत बनवाबनवी करायची तुम्हाला सवय लागली आहे, असा सणसणीत टोला बाळासाहेब थोरातांना एकनाथ शिंदेंनी लगावला. एकनाथ शिंदेंवर बाळासाहेब थोरात यांनी फोन कॉल ऐकवत जोरदार निशाणा साधला. त्यामुळे संगमनेर नगरपालिका निवडणुकीत रंगत वाढली आहे. संगमनेर तालुक्याचे गेले अनेक टर्म काँग्रेसचे नेते बाळासाहेब थोरात आमदार राहिलेले आहेत. पण २०२४ च्या विधानसभा निवडणुकीत त्यांच्या वाट्याला पराभव आला. संगमेनगर निवडणुकीत संगमनेर राष्ट्र समितीद्वारे आयोजित प्रचार सभेतून थोरातांनी शिंदेंवर घणाघात केला. पुन्हा विखे-थोरात सामना बिहार विधानसभा निवडणुकीत काँग्रेसचा सुपडा साफ झाला आहे. महाराष्ट्रातही काँग्रेस पक्षाला ‘अच्छे दिन’ नाहीत. फार बिकट परिस्थिती पक्षाची झाली आहे. स्थानिक निवडणुकीत बाळासाहेब थोरात यांची प्रतिष्ठा पणाला लागली आहे. अहिल्यानगर जिल्ह्यात विखे कुटुंबीयांचे देखील वर्चस्व आहे. या निवडणुकीत पुन्हा एकदा विखे-थोरात असा राजकीय सामना रंगणार आहे. त्यामुळे स्थानिक निवडणुकीची उत्सुकता वाढली आहे. हेही वाचा : “तुमच्याकडे तिजोरीची चावी, पण आमच्याकडे अख्खी बँकच आहे “; जयकुमार गोरेंचा अजित पवारांच्या राष्ट्रवादीला टोला
