Assembly Bypoll । आज देशातील ४ राज्यांच्या ५ जागांवर पोटनिवडणुकीसाठी मतदान पार पडत आहे. यामध्ये  गुजरातमधील दोन आणि केरळ, पश्चिम बंगाल आणि पंजाबमधील प्रत्येकी एका जागेसाठी मतदान होत आहे. एकूण पाच जागांवर मतदान होत आहे. या पोटनिवडणुकांबद्दल मतदारांमध्ये उत्साह दिसून येत आहे आणि मतदान शांततेच्या वातावरणात सुरू आहे.

निवडणूक आयोगाने दिलेल्या माहितीनुसार, मतमोजणी २३ जून रोजी होणार आहे. उमेदवारी अर्ज दाखल करण्याची शेवटची तारीख २ जून होती, तर उमेदवार ५ जूनपर्यंत आपली नावे मागे घेऊ शकत होते. चार राज्यांमधील पाच विधानसभा जागांवर पोटनिवडणुकीसाठी मतदान सुरू आहे.

या जागांसाठी होत आहे मतदान Assembly Bypoll ।  

* कालीगंज (पश्चिम बंगाल)

* निलांबूर (केरळ)

* लुधियाना पश्चिम (पंजाब)

* काडी आणि विसावदर (गुजरात)

तृणमूल काँग्रेस आणि माकप पश्चिम बंगाल आणि केरळमध्ये आपली शक्ती मजबूत करण्याचा प्रयत्न करत असताना, भाजप आणि आम आदमी पक्ष गुजरात आणि पंजाबमध्ये आपल्या जागा वाचवण्यासाठी जोरदार प्रयत्न करत आहेत.

दरम्यान ,  पंजाबमधील लुधियाना पश्चिम विधानसभा जागेवरील पोटनिवडणुकीसाठी गुरुवारी सकाळी ७ वाजता मतदानाला सुरुवात झाली. मतदानाच्या पार्श्वभूमीवर कडक सुरक्षा व्यवस्था ठेवण्यात आली आहे. जानेवारीमध्ये आम आदमी पक्षाचे (आप) आमदार गुरप्रीत बसी गोगी यांच्या निधनानंतर ही जागा रिक्त झाली होती. आता या शहरी जागेवर आप, काँग्रेस, भाजप आणि शिरोमणी अकाली दल यांच्यात चुरशीची लढत दिसून येत आहे. Assembly Bypoll ।

हेही वाचा
Pune District : हद्दीच्या वादात वनविभागाने हात झटकले