Lovlina Boxing Academy : ऑलिम्पिक पदकविजेत्या लव्हलिना बोरगोहेनला आसाम सरकारचे मोठे गिफ्ट! कोट्यवधींची जमीन दिली अवघ्या १ रुपयात
Lovlina Boxing Academy : आसाम सरकारने ऑलिम्पिक पदक विजेती बॉक्सर लव्हलिना बोरगोहेनच्या बॉक्सिंग अकादमीला वाटप केलेल्या ३ बिघांहून अधिक जमिनीचे अधिभार शुल्क माफ केले असून, ही जमीन केवळ १ रुपयात दिली आहे.
Assam Cabinet Waives Land Settlement Premium For Lovlina Borgohain Boxing Academy : आसाममध्ये क्रीडा संस्कृतीला प्रोत्साहन देण्यासाठी आणि नवोदित खेळाडूंना जागतिक दर्जाचे व्यासपीठ मिळवून देण्यासाठी राज्य सरकारने ऐतिहासिक पाऊल उचलले आहे. मुख्यमंत्री हिमंता बिस्वा सरमा यांच्या अध्यक्षतेखाली झालेल्या राज्य मंत्रिमंडळाच्या बैठकीत ऑलिम्पिक पदकविजेती बॉक्सर लव्हलिना बोरगोहेनच्या (Lovlina Borgohain) स्पोर्ट्स अकादमीला मोठा दिलासा देण्यात आला आहे. सरकारने तिच्या बॉक्सिंग अकादमीसाठी वाटप करण्यात आलेल्या जमिनीचा सेटलमेंट प्रीमियम पूर्णपणे माफ करण्याचा महत्त्वपूर्ण निर्णय घेतला आहे.
३ बिघ्यांपेक्षा जास्त जमीन; अवघ्या १ रुपयात हस्तांतरण!
मंत्रिमंडळाच्या निर्णयानुसार, पलाशबाडी महसूल मंडळांतर्गत छायानी मौजा येथील हुडूमपूर गावात लव्हलीनाच्या अकादमीसाठी ३ बिघ्यांपेक्षा अधिक जमीन मंजूर करण्यात आली आहे. या मौल्यवान जागेसाठी लागणारा संपूर्ण सेटलमेंट प्रीमियम माफ करत, राज्य सरकारने अवघ्या १ रुपयाच्या नाममात्र दराने या जमिनीचे हस्तांतरण मंजूर केले आहे. राज्यात बॉक्सरांसह इतर खेळांसाठी आधुनिक क्रीडा पायाभूत सुविधा निर्माण करणे हा यामागचा मुख्य उद्देश आहे.
मोदींच्या २५ वर्षांच्या सेवेचा गौरव; ७६ कलमी प्रस्तावाचा भाग!
🔴 ASSAM | Land Approved for Lovlina’s Boxing Academy
The Assam Cabinet has approved a land concession at ₹1 for a boxing academy named after Olympic medallist Lovlina
Borgohain, aimed at nurturing young boxing talent and
improving training facilities.#Assam https://t.co/sJzo6Ws3AT
— Northeast Arena (@Northeast_Arena) October 9, 2026
हा ऐतिहासिक निर्णय पंतप्रधान नरेंद्र मोदी यांच्या २५ वर्षांच्या निरंतर जनसेवेच्या गौरवार्थ मंजूर करण्यात आलेल्या ७६ कलमी प्रस्तावाचा एक भाग आहे. आंतरराष्ट्रीय क्रीडा मंचावर आसाम आणि देशाचा तिरंगा फडकवणाऱ्या लव्हलिनाचे यश नव्या पिढीसाठी प्रेरणादायी ठरेल, असा विश्वास मंत्रिमंडळाने व्यक्त केला.
पूर्वोत्तरच्या सर्वांगीण विकासावर भर!
In today’s meeting of #AssamCabinet we cleared the decks for setting up of a Lovlina Boxing Academy near Guwahati, so that the next gen of Assam’s Lovlinas can get the best training and make the nation proud. https://t.co/DSykPrMKNL
— Himanta Biswa Sarma (@himantabiswa) October 9, 2026
या बैठकीत क्रीडा क्षेत्राबरोबरच पायाभूत सुविधा, दळणवळण, उद्योग, सामाजिक सुरक्षा आणि आसामच्या समृद्ध संस्कृतीच्या संवर्धनावरही चर्चा झाली. गेल्या काही वर्षांत पूर्वोत्तर भागात शांतता आणि विकासाची नवी लाट आल्याचे राज्य सरकारने नमूद केले.
