Asian Senior Championships 2024 : भारतीय जिम्नॅस्टिकपटू दीपा कर्माकरचे ऐतिहासिक सुवर्णपदक….
Asian Senior Championships 2024 : भारताच्या दीपा कर्माकरने रविवारी उझबेकिस्तानमधील ताश्कंद येथे झालेल्या आशियाई जिम्नॅस्टिक्स चॅम्पियनशिप 2024 मध्ये महिलांच्या व्हॉल्ट प्रकारात सुवर्णपदक जिंकून इतिहास रचला. आशियाई चॅम्पियनशिपमध्ये भारतीय जिम्नॅस्टने कोणत्याही स्पर्धेत सुवर्णपदक जिंकण्याची ही पहिलीच वेळ आहे.
30 वर्षीय दीपाने स्पर्धेच्या शेवटच्या दिवशी व्हॉल्ट फायनलमध्ये सरासरी 13.566 स्कोअर केला. उत्तर कोरियाच्या किम सोन हयांग (13.466) आणि जो क्योंग बायोल (12.966) यांनी अनुक्रमे रौप्य आणि कांस्यपदक जिंकले.
History created at The Asian Gymnastics Championship 🇺🇿🥳
Dipa Karmakar becomes the 1⃣st 🇮🇳 gymnast to win🥇at this prestigious championship, topping the podium in women’s vault.
Earlier, her best performance at the event was when she gave us a🥉in 2015!
Inspirational, Dipa!… pic.twitter.com/nNV1nTqYdT
— SAI Media (@Media_SAI) May 26, 2024
तत्पूर्वी शुक्रवारी, दीपा कर्माकरने ताश्कंदमध्ये 46.166 गुणांसह अष्टपैलू प्रकारात 16 वे स्थान मिळवले आणि जिम्नॅस्टिक्समध्ये भारतासाठी पॅरिस 2024 ऑलिम्पिक कोटा मिळवण्यात अपयशी ठरली. 50.398 गुणांसह तिसरे स्थान मिळवणाऱ्या फिलिपाइन्सच्या एम्मा मलाबुयोने ताश्कंद स्पर्धेत एकमेव ऑलिम्पिक कोटा मिळवला.
सुवर्णपदक जिंकण्याची ही पहिलीच वेळ…
रिओ ऑलिम्पिक 2016 मध्ये व्हॉल्ट फायनलमध्ये चौथ्या स्थानावर राहिलेल्या दीपाने 2015 च्या आवृत्तीत याच स्पर्धेत कांस्यपदक जिंकले होते. आशिष कुमारने 2015 आशियाई चॅम्पियनशिपमध्ये वैयक्तिक फ्लोर एक्सरसाइज प्रकारात कांस्यपदक जिंकले होते. प्रणती नायकने 2019 आणि 2022 च्या आवृत्त्यांमध्ये व्हॉल्ट स्पर्धेत कांस्यपदकही जिंकले होते.
