Asia Cup 2025 AFG vs HK Head to Head Record : आशिया कप 2025 ची सुरुवात आज मंगळवारपासून होत आहे. या स्पर्धेतील पहिला सामना अफगानिस्तान आणि हाँगकाँग यांच्यात आबुधाबीतील शेख झायेद क्रिकेट स्टेडियमवर रंगणार आहे. दोन्ही संघांनी या सामन्यासाठी जोरदार तयारी केली असून, आशियाई क्रिकेट चाहते या स्पर्धेसाठी प्रचंड उत्साहित आहेत. क्रिकेट विश्वात अफगानिस्तान आणि हाँगकाँग या तुलनेने नवख्या संघांपैकी मानल्या जातात.

दोन्ही संघांतील हेड-टू-हेड रेकॉर्ड –

या दोन्ही संघांमधील पहिला टी-20 सामना 2014 मध्ये खेळला गेला होता. तेव्हापासून आतापर्यंत त्यांच्यात टी-20 स्वरूपात एकूण सहा सामने झाले आहेत. यापैकी चार सामन्यांत अफगानिस्तानने बाजी मारली, तर हाँगकाँगने दोन सामने जिंकले. 2012 च्या टी-20 विश्वचषक पात्रता फेरीत अफगानिस्तानने हाँगकाँगवर 9 गडी राखून विजय मिळवला होता.

त्यानंतर मार्च 2014 मध्ये त्यांनी 7 गडी राखून विजय मिळवला. जुलै 2015 मध्ये हाँगकाँगने पहिल्यांदा अफगानिस्तानवर विजय मिळवला, तर नोव्हेंबर 2015 मध्ये पुन्हा एकदा विजय मिळवत हेड-टू-हेड रेकॉर्ड 2-2 असे बरोबरीत आणले. 2016 मध्ये अफगानिस्तानने हाँगकाँगविरुद्ध दोन सामने जिंकत पुन्हा आपले वर्चस्व प्रस्थापित केले.

हेही वाचा – रोहित शर्माचा कोकिलाबेन हॉस्पिटलमध्ये जातानाचा व्हिडिओ व्हायरल; चाहत्यांनी व्यक्त केली चिंता

शेख झायेद स्टेडियमची खेळपट्टी –

या मैदानावरील खेळपट्टी फलंदाजांसाठी अनुकूल आहे, जिथे मोठ्या प्रमाणात धावा होण्याची शक्यता आहे. याचबरोबर वेगवान गोलंदाज आणि फिरकी गोलंदाजांना समान संधी मिळते. अफगानिस्तानच्या इब्राहिम झद्रान आणि सेदिकुल्लाह अटल यांच्याकडून फलंदाजीत मोठी अपेक्षा आहे, तर राशिद खान आणि नवीन-उल-हक यांच्या गोलंदाजीवर सर्वांचे लक्ष आहे. दुसरीकडे, हाँगकाँगच्या अंशुमन रथ आणि जीशान अली यांच्याकडून फलंदाजीत, तर यासिम मुर्तजा आणि आयुष शुक्ला यांच्याकडून गोलंदाजीत चमकदार कामगिरीची अपेक्षा आहे.

हेही वाचा – Asia Cup 2025 : आजपासून रंगणार आशिया कपचा थरार! सामने कधी, कुठे आणि कसे पाहता येणार? जाणून घ्या

हाँगकाँगचा संघ: जीशान अली (यष्टीरक्षक), बाबर हयात, निझाकत खान, अंशुमन रथ, मार्टिन कोएट्झी, यासिम मुर्तजा (कर्णधार), एजाज खान, नसरुल्ला राणा, एहसान खान, अली हसन, अतीक इक्बाल, कल्हण चल्लू, आयुष शुक्ला, किंचित शाह, मोहम्मद वाहिद, शाहिद वासिफ, मोहम्मद गझनफर.

हेही वाचा – Asia Cup 2025 : पहिल्या सामन्यात संजू सॅमसनला संधी मिळेल का? कर्णधार सूर्यकुमार यादवने दिले ‘हे’ उत्तर!

अफगानिस्तानचा संघ: रहमानुल्लाह गुरबाज (यष्टीरक्षक), सेदिकुल्लाह अटल, इब्राहिम झद्रान, दरविश रसूली, अजमतुल्लाह उमरझई, मोहम्मद नबी, करीम जनत, राशिद खान (कर्णधार), नूर अहमद, एएम गझनफर, फझलहक फारुकी, फरीद अहमद मलिक, नवीन-उल-हक, मुजीब उर रहमान, मोहम्मद इशाक, शराफुद्दीन अशरफ, गुलबदीन नायब.