Asha Bhosle : भारतीय संगीतसृष्टीत आपल्या मधुर आणि बहुमुखी आवाजाने अजरामर ठसा उमटवणाऱ्या आशा भोसले यांना “सुपरस्टार सिंगर” म्हणणं अजिबात चुकीचं ठरणार नाही. तब्बल सहा दशकांहून अधिक काळ त्यांनी गझल, अभंग, भूपाळीपासून ते ‘दम मारो दम’ आणि ‘ओम शांती ओम’सारख्या तरुणांना भुरळ घालणाऱ्या गाण्यांपर्यंत सर्व प्रकारच्या संगीतप्रकारांमध्ये आपला ठसा उमटवला आहे. मात्र, आशा भोसले यांच्या कुटुंबातील एक नात आज बॉलिवूडमध्ये मोठं नाव कमावत आहे, हे अनेकांना ठाऊक नसतं. ती म्हणजे अभिनेत्री ‘श्रद्धा कपूर’. श्रद्धा कपूर आणि आशा भोसले यांचं नातं काय? श्रद्धा कपूर ही प्रसिद्ध अभिनेते शक्ती कपूर यांची मुलगी आहे. तिची आई शिवांगी कोल्हापुरे या कोल्हापूरे कुटुंबातील आहेत. shraddha kapoor श्रद्धाच्या आईचे वडील पंढरीनाथ कोल्हापूरे हे दीनानाथ मंगेशकर यांच्या कुटुंबाशी नात्याने संबंधित होते. त्यामुळेच लता मंगेशकर आणि आशा भोसले या श्रद्धाच्या आईच्या नात्यातील नातेवाईक ठरतात. या नात्यामुळे आशा भोसले या श्रद्धा कपूरच्या आजीच्या नात्यात येतात. श्रद्धा कपूर अनेकदा सोशल मीडियावर आशाताईंसोबतचे फोटो आणि आठवणी शेअर करताना दिसते. श्रद्धा कपूरचा बॉलिवूडमधील प्रवास : श्रद्धा कपूर ही आजच्या पिढीतील आघाडीच्या अभिनेत्रींपैकी एक मानली जाते. तिने २०१० मध्ये ‘Teen Patti’ चित्रपटातून बॉलिवूडमध्ये पदार्पण केलं. मात्र २०१३ मध्ये आलेल्या ‘Aashiqui 2’ मुळे तिला मोठी ओळख मिळाली. तिच्या ‘Ek Villain’, ‘ABCD 2’, ‘Stree’, ‘Chhichhore’, ‘Tu Jhoothi Main Makkaar’ यांसारख्या चित्रपटांनी बॉक्स ऑफिसवर मोठं यश मिळवलं श्रद्धा कपूर केवळ अभिनयातच नाही, तर गाण्यांमध्येही सक्रिय आहे. ‘Aashiqui 2’ मधील काही गाणी तिने स्वतः गायली आहेत, ज्यातून तिच्यावर घराण्याचा संगीत वारसा असल्याचं स्पष्ट होतं. कुटुंबीय वारसा आणि प्रतिभेचा संगम : श्रद्धा कपूर ही एका बाजूला अभिनय क्षेत्रातील दिग्गज शक्ती कपूर यांची मुलगी, तर दुसऱ्या बाजूला संगीतसृष्टीतील महान परंपरेशी जोडलेली आहे. त्यामुळे तिच्या व्यक्तिमत्त्वात अभिनय आणि संगीत या दोन्ही क्षेत्रांचा सुंदर संगम दिसून येतो. आज श्रद्धा कपूर स्वतःच्या मेहनतीने बॉलिवूडमध्ये ठाम स्थान निर्माण करत असून, तिच्या नावावरच चित्रपट हिट होतात, हेच तिच्या यशाचं खरं मोजमाप आहे.
