Asawari Jagdale : देशाला हादरवून सोडणाऱ्या काश्मीर येथील पहलगाममधील हल्ल्यात दहशतवाद्यांनी 26 भारतीयांना  ठार केले. या हल्ल्याचा बदला म्हणून भारताने पाकिस्तानाला जशाच तसे जोख प्रत्युत्तरही दिले. यासाठी भारताने अॅापरेशन सिंदूर ही मोहीम राबविली होती.

या दहशतवादी हल्ल्यात पुण्यातील मृत्यृमुखी पडलेल्या संतोष एकनाथ जगदाळे यांची कन्या आसावरी यांचा पुणे महापालिकेने नोकरीसाठीचा प्रस्ताव राज्य सरकारला सादर केला आहे. त्यानुसार असावरी यांना पुणे महापालिकेने वर्ग दोन आणि वर्ग तीनमधील चार पदांपैकी एका ठिकाणी नोकरीचा मार्ग मोकळा झाला आहे.

आता या प्रस्तावाला राज्य सरकारने मान्यता दिल्यानंतर आसावरी जगदाळे यांना महापालिकेत सरकारी नोकरी मिळणार आहे.  पुणे महापालिकेचे आयुक्त नवलकिशोर राम यांना हा प्रस्ताव नगरविकास कार्यासन अधिकारी यांच्याकडे पाठविला आहे.

आसावरी जगदाळे यांनी महापालिकेकडे त्यांच्या शिक्षणाची माहिती सादर केली आहे. त्यानुसार त्यांना प्रशासन अधिकारी (वर्ग-२), उप अधिक्षक (वर्ग-३), संगणक ऑपरेटर (वर्ग-३) आणि लिपिक टंकलेखक (वर्ग-३) या चार पदांपैकी कुठल्याही पदावर त्यांची नियुक्ती करणे शक्य असल्याचा अहवाल प्रशासनाने राज्य सरकारला पाठवला आहे.

नोकरीसाठी केली होती शिफारस 

आसावरी जगदाळे यांनी विधानपरिषदेच्या उपसभापती डॅा. नीलम गोऱ्हे, उपमुख्यमंत्री एकनाथ शिंदे यांना पत्र लिहून शासकीय सेवेत सामावून घ्यावे, अशी शिफारस पत्राद्वारे केली होती. आसावरी यांनी पुणे विद्यापीठातून DLL/LW (Labour Law and Labour Welfare) पदवी घेतली आहे. तर त्यांनी MBA (Human Resources Management) हे शिक्षण भारती विद्यापीठ येथून पूर्ण केले आहे. तसेच BSc (Computer Science) पदवीही त्यांनी संपादित केली आहे.

हेही वाचा : Manoj Jarange : मनोज जरांगेंना भाजपकडून पहिलं साकडं; सरकार आरक्षणासाठी कटिबद्ध, पण..