Abhijit Dipke : दिल्लीतील जंतरमंतरवरील जेन-झी विद्यार्थींच्या आंदोलनाला यश मिळाल्यानंतर अभिजीत दिपके (Abhijit Dipke) छत्रपती संभाजीनगरमधील आपल्या निवासस्थानी परतले आहे. यानंतर त्यांनी पत्रकारांसोबत संवाद साधताना अनेक गोष्टींवर भाष्य केले. यावेळी दिपके यांनी गृहमंत्री अमित शाह यांच्यावर निशाणा साधला. तसेच भाजपमध्ये येण्यासाठी धमकी देण्यात आल्याचाही दावाही त्यांनी केला आहे.  (Abhijit Dipke)

“मी नरेंद्र मोदी आणि अमित शाह यांच्या नातवाच्या वयाचा आहे. अवघ्या ३० वर्षांच्या तरुणाला भाजपमध्ये येण्यासाठी धमक्या दिल्या जात आहेत. भाजपमध्ये ये नाहीतर तुझ्या घरी जाऊन आई-वडिलांना पाहून घेऊ, तुला गोळ्या घालू’, अशा धमक्या दिल्या जात होत्या,” असा खळबळजनक आरोप दिपके याने केला आहे. परंतु कितीही ऑफर दिल्या तरी मी भाजपमध्ये जाणार नाही, अशी भूमिकाही दिपके यांनी स्पष्ट केली.

काँग्रेस नेते राहुल गांधी यांनी केलेल्या राजीनाम्याच्या मागणीचे समर्थन करत दिपके म्हणाला की, “केंद्रीय गृहमंत्री अमित शाह यांनी आपल्या पदाचा तातडीने राजीनामा दिला पाहिजे. आमच्या आंदोलनाला बाहेरून फंडिंग होते आणि आपली पार्टी बाहेरून चालवली जाते, असा आरोप ते करतात. जर हे खरे असेल तर गृहमंत्री म्हणून हे अमित शाह यांचे थेट अपयश आहे. मग ते कसले चाणक्य, आंदोलकांवर गोळीबार करण्याचे आदेशही अमित शहा यांनीच दिले होते,” असेही अभिजित म्हणाले.

“खाकी पॅन्ट काढून खाकी चड्डी घाला आणि..”   (Abhijit Dipke)

नाशिक पोलिसांच्या व्हिडिऑग्राफीवरील एसओपी आणि जंतर-मंतरवरील पोलिसांच्या भूमिकेवर बोलताना अभिजीत दिपके याने आक्रमक टीका केली. तो म्हणाला, “देशातील पोलीस ही कोण्या एका पक्षाचे किंवा भाजपच्या फॉरवर्ड मेसेजवर चालणारे पोलीस नाही. पोलिसांना कॅमेऱ्याची भीती वाटत असेल तर त्यांनी संविधान फॉलो करावे. जर तुम्हाला फक्त भाजपचेच आदेश पाळायचे असतील, तर खाकी पॅन्ट काढून खाकी चड्डी घाला,भाजप मुख्यालयासमोर उभे राहा आणि ‘मै भी चौकीदार’ म्हणा,” असा खरमरीत टोला त्याने लगावला.

“मोदी, धर्मेंद्र अन् देवेंद्र…”   (Abhijit Dipke)

महाराष्ट्रातील शिक्षण व्यवस्थेवर आणि पेपरफुटीच्या मुद्द्यावर भाष्य करताना अभिजीत दिपके यानं म्हटलं आहे की, “नरेंद्र असो, धर्मेंद्र असो की देवेंद्र असो, या लोकांना शिक्षणाचं काहीच पडलेलं नाही. देवेंद्र फडणवीस बहुदा आतापासूनच २०२९ च्या निवडणुकीच्या तयारीला लागले असतील, त्यामुळे त्यांना एमपीएससी आणि टीईटीच्या पेपरफुटीशी काहीही देणंघेणं नाही. भाजपच्या मंत्र्यांची मुले परदेशात शिकतात, ती थोडीच टीईटी किंवा पोलीस भरतीची परीक्षा देणार आहेत? महाराष्ट्रातील विद्यार्थ्यांच्या हक्कासाठी आम्ही राज्यातही मोठे आंदोलन उभारणार आहोत,” असा इशारा त्याने दिला.

सगळेच गुंडच भरले    (Abhijit Dipke)

प्रल्हाद जोशी यांच्याबद्दल दिपके म्हणाले, शिक्षणमंत्री धर्मेंद्र प्रधान यांना काढून नेमण्यात आलेले नवे शिक्षण मंत्री प्रल्हाद जोशी यांनी बिल्किस बानू प्रकरणात बलात्काऱ्यांच्या बाजूने मत व्यक्त केले होते. याचा अर्थ प्रधान यांना काढून एक विचित्र माणूस भरला आहे. कारण या पक्षातून हे असेच होणार कारण त्यात सगळेच गुंडच भरले आहेत.”

रामदेवबाबा आणि कंगणाला प्रत्युत्तर   

तर कंगणाच्या विधानावर दिपके यांनी प्रत्युत्तर दिले. जेन झी आहेत कोण ? १५ ते २५ मधील तरुण वेगळे आहेत का , तेच तर पुढे देश चालवणार आहे. त्यांना ट्रोल करुन काय उपयोग, असेही अभिजित दिपके म्हणाला. तर ‘जेन झी’ भारताला बदनाम करत असून, संस्कृती बिघडवत असल्याच्या बाबा रामदेव यांच्या वक्तव्याचाही दिपके यांनी समाचार घेतला. आमच्या हक्काच्या मागण्यासाठी लढणे बननामी आहे. आणि असे असेल तर ते आम्ही बघून घेऊ. रामदेवबाबांनी आपल्या प्रोडक्ट विकण्याकडे लक्ष द्यावे,” असा टोलाही दिपके यांनी रामदेव बाबा यांना लगावला.

हेही वाचा :  

Pavel Durov: टेलिग्राम संस्थापक पावेल दुरोव अडचणीत ; रशियाने टाकले ‘वॉन्टेड’ यादीत