Eknath Shinde : उपमुख्यमंत्री एकनाथ शिंदे यांच्या नेतृत्वाखालील शिवसेना शिंदे गटाला अकोल्यातून मोठा धक्का बसला आहे. पक्षाचे जिल्हाप्रमुख अश्विन नवले यांनी आपल्या सर्व पदांचा तडकाफडकी राजीनामा दिला आहे. (Eknath Shinde) राजीनाम्यामागे पक्षातील अंतर्गत वाद कारणीभूत असल्याचे समोर आले आहे. माजी आमदार गोपीकिशन बाजोरिया यांच्या स्वार्थी आणि त्रासदायक वर्तनाला कंटाळून हा निर्णय घेतल्याचे नवले यांनी स्पष्ट केले आहे. (Eknath Shinde) अश्विन नवले हे अकोला जिल्ह्यातील प्रभावशाली नेते मानले जातात. एकनाथ शिंदे यांच्या आदेशानुसार त्यांची जिल्हाप्रमुखपदी नियुक्ती करण्यात आली होती. त्यांच्या खांद्यावर अकोला पश्चिम, मूर्तिजापूर आणि अकोट या तीन विधानसभा मतदारसंघांची जबाबदारी होती. (Eknath Shinde) दरम्यान, राजीनामा दिल्यानंतर पुढील राजकीय भूमिका काय असणार, याबाबत नवले यांनी कोणतेही संकेत दिलेले नाहीत. सध्या आपण कोणत्याही पक्षात प्रवेश करणार नसून समाजसेवक म्हणून काम करणार असल्याचे त्यांनी आपल्या पत्रात नमूद केले आहे. (Eknath Shinde)