Ajay Devgn : बृहन्मुंबई महानगरपालिकेने (बीएमसी) जुहू उपनगरातील एका बंगल्याचा अनधिकृत भाग पाडून टाकला आहे. हा बंगला अभिनेता अजय देवगण (Ajay Devgn) आणि त्यांच्या आईच्या मालकीचा असल्याचे सांगितले जात आहे. अनधिकृत बांधकामाबाबत काम थांबवण्याबाबतची नोटीस बजावल्यानंतर काही दिवसांतच ही कारवाई करण्यात आली.

मुंबई महानगरपालिका कायद्याअंतर्गत बजावलेल्या नोटीसच्या संदर्भात, मालकांनी दिलेल्या उत्तराला के/वेस्ट वॉर्ड कार्यालयाने फेटाळून लावले. त्यानंतर, १२ ऑक्टोबर रोजी महापालिकेच्या कर्मचाऱ्यांनी जेव्हीपीडी स्कीम परिसरातील या मालमत्तेवरील अनधिकृत सिपोरेक्स ब्लॉकच्या भिंती पाडून टाकल्या.

महापालिकेने एन. एस. रोडवरील कापोले को-ऑपरेटिव्ह सोसायटीमध्ये केलेल्या या तोडक कारवाईचे फोटो तसेच मालमत्ता मालकांना बजावलेल्या नोटिसाही जाहीर केल्या आहेत. मात्र, बीएमसीची नोटीस आणि आदेशात अजय देवगण (Ajay Devgn) किंवा त्यांच्या आई, वीणा देवगण यांच्या नावांचा थेट उल्लेख नाही. या मालमत्तेची मालकी कोणाची आहे, हे स्वतंत्रपणे स्पष्ट झाले आहे.

एका अधिकाऱ्याने सांगितले की, उत्तरात बांधकामासाठी आवश्यक असलेली अधिकृत कागदपत्रे किंवा संबंधित प्राधिकरणाकडून मिळालेल्या परवानगीची प्रत जोडलेली नव्हती. या नोटीसद्वारे मालक किंवा ताबेदाराला काम त्वरित थांबवण्यास आणि २४ तासांच्या आत संबंधित परवानगीची कागदपत्रे सादर करण्यास सांगण्यात आले होते.

तसेच, आदेशाचे पालन न केल्यास अनधिकृत बांधकाम आणि तेथील साहित्य मालकाच्या जोखमीवर व खर्चाने काढून टाकले जाईल, असा इशाराही देण्यात (Ajay Devgn) आला होता, असे अधिकाऱ्याने सांगितले.