Shikrapur News : शिरूर शहरातील पुणे-अहिल्यानगर महामार्गावर घोडनदीच्या सतरा कमानी पुलावरून उडी मारून एका तरुणाने आत्महत्येचा प्रयत्न केल्याची धक्कादायक घटना घडली. मात्र, त्या ठिकाणी रुग्णवाहिका चालकांने दाखवलेल्या प्रसंगावधानाने व समुपदेशनाने या तरुणाचे प्राण वाचले आहेत. (Shikrapur News)

शिरूर शहरातील पुणे अहिल्यानगर महामार्गावर घोडनदीच्या याच पुलावरून मागील आठवड्यात एका ४८ वर्षीय महिलेने उडी मारून आत्महत्या केली होती. त्यानंतर पुन्हा एका तरुणाचा असा प्रयत्न झाल्याने शिरूर सातारा कमानी पुलावर सार्वजनिक बांधकाम विभागाने जाळ्या लावाव्यात अशी मागणी शिरूर चे नगरसेवक रवींद्र ढोबळे यांनी केली आहे. (Shikrapur News)

पुणे नगर महामार्गावर रुग्णवाहिका सेवा देणारे सुमित मनोहर महाजन हे नगर येथून पेशंटला सोडून परत येत होते. यादरम्यान, घोडनदीच्या सतरा कमानी पुलावर एक युवक पुलावरून उडी मारून आत्महत्येचा प्रयत्न करत असल्याचे त्यांच्या लक्षात आले. (Shikrapur News)

तिथे उपस्थित असलेल्या अन्य दोन युवकांच्या मदतीने त्यांनी तत्परता दाखवत त्या युवकाला अडवले आणि त्याची समजूत काढली, युवकाला सुरक्षितपणे रुग्णवाहिकेत बसवून त्यांची विचारपूस केली असता, कौटुंबिक अडचणी, मानसिक त्रास व तणावामुळे आपण हे टोकाचे पाऊल उचलत असल्याचे त्याने सांगितले. (Shikrapur News)

रुग्णवाहिका चालकांनी वेळीच हस्तक्षेप करून युवकाला शांत केले आणि शिरूर पोलीस स्टेशन येथे शिरूर पोलिसच्या ताब्यात दिले त्यांच्या या रुग्णवाहिका सेवा देणारे सुमित मनोहर महाजन प्रसंगावधानामुळे व तत्परतेमुळे एका तरुणाचा जीव वाचल्याने शिरूर पोलिस स्टेशनचे पोलिस निरीक्षक विनोद पाटील व सर्व स्तरातून त्यांचे कौतुक होत आहे. (Shikrapur News)

Shirur News : घोडगंगा साखर कारखाना पुन्हा सुरू करण्यासाठी त्रुटींची पूर्तता करून ‘NCDC’कडे फेरप्रस्ताव सादर करा : सुनेत्रा पवार

Shirur News : दुभाजक तोडल्याने शिरूर बायपासवर मृत्यूचा सापळा? किशोर यादव, प्रथमेश लाड यांच्या मृत्यूने प्रशासनाच्या कार्यक्षमतेवर प्रश्नचिन्ह