Congress News : विदर्भातील वाशिम जिल्ह्यात काँग्रेसला मोठा धक्का बसला आहे. रिसोड तालुक्यातील युवक काँग्रेसचे महाराष्ट्र प्रदेश सचिव सचिन इप्पर यांच्यासह सुमारे 600 कार्यकर्त्यांनी भारतीय जनता पक्षात प्रवेश केला. महसूल मंत्री चंद्रशेखर बावनकुळे यांच्या उपस्थितीत नागपुरात हा पक्षप्रवेश सोहळा पार पडला. (Congress News)

सचिन इप्पर यांच्यासोबत रिसोड तालुक्यातील अनेक सरपंच, माजी सरपंच, विविध सहकारी संस्थांचे पदाधिकारी, ग्रामपंचायत सदस्य आणि कार्यकर्त्यांनीही भाजपचा झेंडा हाती घेतला. या पक्षप्रवेशामुळे वाशिम जिल्ह्यात भाजपची संघटनात्मक ताकद आणखी वाढल्याचा दावा पक्षाकडून करण्यात आला आहे. (Congress News)

पक्षात प्रवेश करणाऱ्या कार्यकर्त्यांनी पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वावर विश्वास व्यक्त करत भाजपमध्ये प्रवेश केल्याचे सांगितले. यावेळी चंद्रशेखर बावनकुळे यांनी नव्याने पक्षात दाखल झालेल्या सर्वांचे स्वागत करत संघटना अधिक मजबूत करण्यासाठी एकत्रितपणे काम करण्याचे आवाहन केले. (Congress News)

दरम्यान, पुण्यातही भाजपला मोठे इन्कमिंग मिळाले आहे. शिवसेना (उद्धव बाळासाहेब ठाकरे) गटाचे माजी विभागप्रमुख प्रवीण डोंगरे यांनी भाजपमध्ये प्रवेश केला. भाजपचे प्रदेशाध्यक्ष रवींद्र चव्हाण यांच्या हस्ते झालेल्या या पक्षप्रवेशावेळी मंत्री चंद्रकांत पाटील आणि केंद्रीय राज्यमंत्री मुरलीधर मोहोळ उपस्थित होते. (Congress News)

भाजपमध्ये प्रवेशानंतर प्रवीण डोंगरे यांनी पंतप्रधान नरेंद्र मोदी यांच्या नेतृत्वाखाली देश विकासाच्या दिशेने वाटचाल करत असल्याचे सांगत, शिवाजीनगरच्या विकासासाठी आणि नागरिकांच्या प्रश्नांसाठी भाजपच्या माध्यमातून काम करण्याचा निर्धार व्यक्त केला. (Congress News)

Congress News : काँग्रेसला मोठा धक्का ! ‘या’ बड्या नेत्याचा शिंदेच्या शिवसेनेत प्रवेश

Congress News : कर्नाटकात उलाढाल! डी. के. शिवकुमार मुख्यमंत्रिपदी येताच काँग्रेसचा मोठा निर्णय