Bus Accident : यादगीर जिल्ह्यातील सुरपूर तालुक्यात भीषण अपघात घडला असून खासगी ट्रॅव्हल्स बस आणि कारच्या धडकेत लागलेल्या आगीत सहा प्रवाशांचा होरपळून मृत्यू झाला. या दुर्घटनेत मृत्यूमुखी पडलेले सर्वजण एकाच कुटुंबातील असून ते देवदर्शनावरून परत येत होते. (Bus Accident) मिळालेल्या माहितीनुसार, बंगळुरूहून कलबुर्गीकडे जाणारी खासगी आराम बस आणि विरुद्ध दिशेने येणारी कार शांतगिरी क्रॉसजवळ एकमेकांवर आदळली. धडक इतकी भीषण होती की बसने तत्काळ पेट घेतला. आग लागल्यानंतर बसमधील प्रवाशांमध्ये एकच गोंधळ उडाला आणि जीव वाचवण्यासाठी प्रवासी बाहेर पडण्याचा प्रयत्न करू लागले. (Bus Accident) मात्र, या आगीत सहा प्रवासी अडकले आणि त्यांचा होरपळून मृत्यू झाला. इतर प्रवाशांनी कसाबसा जीव वाचवला असून काही जण जखमी झाले आहेत. जखमींना तातडीने रुग्णालयात दाखल करण्यात आले आहे. (Bus Accident) घटनेची माहिती मिळताच अग्निशमन दल घटनास्थळी दाखल झाले आणि आगीवर नियंत्रण मिळवले. मात्र तोपर्यंत बस पूर्णपणे जळून खाक झाली होती. या प्रकरणी पृथ्वीक शंकर यांनी प्राथमिक तपासात कार ओव्हरटेक करताना अपघात घडल्याची माहिती दिली आहे. या घटनेमुळे परिसरात हळहळ व्यक्त होत असून मृतांच्या कुटुंबीयांवर दुःखाचा डोंगर कोसळला आहे. (Bus Accident)