WPL 2027 Player Retention Full List Released Players Auction On 28 October : आगामी महिला प्रीमियर लीग २०२७ (WPL 2027) च्या लिलावापूर्वी बीसीसीआयची खेळाडू रिटेंशनची मुदत सोमवारी संपुष्टात आली आहे. २८ ऑक्टोबर रोजी कोची येथे होणाऱ्या लिलावाआधी सर्व ५ फ्रँचायझींनी मिळून ६३ खेळाडूंना संघात कायम (Retain) ठेवले असून, यात २३ परदेशी खेळाडूंचा समावेश आहे. यंदाची स्पर्धा १४ जानेवारीपासून रंगणार असून, गतविजेत्या रॉयल चॅलेंजर्स बंगळुरूने (RCB) धडाकेबाज ऑस्ट्रेलियन फलंदाज ग्रेस हॅरिसला रिलीज करत मोठा धक्का दिला आहे.

आरसीबीमध्ये एलिस पेरीची एन्ट्री; चार खेळाडूंना दाखवला बाहेरचा रस्ता!

मागील हंगामात आरसीबीच्या जेतेपदाच्या मोहिमेत अनुपस्थित असलेली ऑस्ट्रेलियाची दिग्गज अष्टपैलू एलिस पेरी आगामी हंगामासाठी उपलब्ध झाली असून तिला संघात कायम ठेवण्यात आले आहे. आरसीबीने ग्रेस हॅरिससह दयालन हेमलता, गौतमी नाईक आणि लिन्सी स्मिथ या चौघींना रिलीज केले आहे.

यूपी वॉरियर्सकडे सर्वाधिक पर्स; मुंबई, दिल्लीनेही केले मोठे बदल!

यूपी वॉरियर्सने किरण नवगिरे, डिआंड्रा डॉटिन आणि आशा शोभना यांच्यासह ६ खेळाडूंना रिलीज केले असून, ती ३.६५ कोटी रुपयांच्या सर्वाधिक रकमेसह लिलावात उतरेल. चारही फायनल गमावणाऱ्या दिल्ली कॅपिटल्सने स्नेह राणा, अलाना किंग आणि लिझेल लीसह ६ खेळाडूंना मुक्त केले. दोन वेळच्या विजेत्या मुंबई इंडियन्सने सायका इशाक, जी. कमलिनीसह ६ खेळाडूंना, तर गुजरात जायंट्सने डॅनी वायट-हॉजसह ४ खेळाडूंना संघातून बाहेर केले आहे.

pic.twitter.com/jBhEffIDKd

— Women’s Premier League (WPL) (@wplt20) September 28, 2026

सर्व ५ संघांमधील रिटेन खेळाडूंची यादी:

• रॉयल चॅलेंजर्स बंगळुरू: स्मृती मानधना, एलिस पेरी, ऋचा घोष, श्रेयंका पाटील, अरुंधती रेड्डी, जॉर्जिया व्होल, लॉरेन बेल, नेदिन डी क्लर्क, पूजा वस्त्राकर, प्रत्युषा कुमार, प्रेमा रावत, राधा यादव, सायली सातघरे.
• मुंबई इंडियन्स: हरमनप्रीत कौर, नताली सायव्हर ब्रंट, हेली मॅथ्यूज, अमेलिया केर, अमनजोत कौर, निकोला केरी, राहिला फिरदौस, सजना सजीवन, संस्कृती गुप्ता, शबनिम इस्माईल, वैष्णवी शर्मा.
• दिल्ली कॅपिटल्स: जेमिमा रॉड्रिग्ज, शफाली वर्मा, ॲनाबेल सदरलँड, चिनेल हेन्री, दिया यादव, लॉरा वोल्वार्ड, लुसी हॅमिल्टन, ममता मडिवाला, मारिझेन काप, मिनू मणी, एन. श्री चरणी, नंदनी शर्मा, निकी प्रसाद.
• गुजरात जायंट्स: ॲश्ले गार्डनर, बेथ मुनी, सोफी डिव्हाईन, रेणुका सिंह, राजेश्वरी गायकवाड, अनुष्का शर्मा, भारती फुलमाली, जॉर्जिया वेअरहॅम, हॅप्पी कुमारी, जिंतिमणी कलिता, कनिका आहुजा, काशवी गौतम, किम गार्थ, तनुजा कंवर, यस्तिका भाटिया.
• यूपी वॉरियर्स: दीप्ती शर्मा, मेग लॅनिंग, हरलीन देओल, सोफी एक्लेस्टोन, फोबी लिचफिल्ड, क्रांती गौड, प्रतिका रावल, शिखा पांडे, शिप्रा गिरी, सिमरन शेख, तारा नॉरिस.

हेही वाचा – Gulveer Second Silver : अवघ्या ०.३७ सेकंदाने हुकले सुवर्णपदक! एकाच आशियाडमध्ये दोन पदकं जिंकत सैन्यातील जवानाचा ऐतिहासिक भरारी

फ्रँचायझींनी रिलीज केलेल्या खेळाडूंची यादी:

• आरसीबी (४): ग्रेस हॅरिस, दयालन हेमलता, गौतमी नाईक, लिन्सी स्मिथ.
• मुंबई इंडियन्स (६): जी. कमलिनी, सायका इशाक, त्रिवेणी वशिष्ठ, मिली इलिंगवर्थ, क्रांती रेड्डी, पूनम खेमनार.
• दिल्ली कॅपिटल्स (६): स्नेह राणा, लिझेल ली, अलाना किंग, तानिया भाटिया, प्रगती सिंह, एडडला सृजना.
• यूपी वॉरियर्स (६): किरण नवगिरे, डिआंड्रा डॉटिन, आशा शोभना, श्वेता सहरावत, ॲमी जोन्स, क्लो ट्रायॉन.
• गुजरात जायंट्स (४): डॅनी वायट-हॉज, आयुषी सोनी, तितास साधू, शिवानी सिंह.