Rohit Sharma Slipped : विजयानंतर मोठा अनर्थ टळला! टीम बसमधून उतरताना रोहितचा पाय घसरला अन् तो धाडकन पडला, पाहा VIDEO
Rohit Sharma Slipped : रोहित शर्मा टीम बसमधून उतरताना घसरुन पडल्याचा व्हिडीओ सोशल मीडियावर तुफान व्हायरल होत आहे.
Rohit Sharma Slipped Falling From Team Bus After 1st ODI Win Viral Video : वेस्ट इंडिजविरुद्धच्या पहिल्या एकदिवसीय सामन्यात भारतीय संघाने ८ गडी राखून मिळवलेल्या दणदणीत विजयानंतर एक धक्कादायक प्रकार समोर आला आहे. तिरुवनंतपुरममधील विजयाचा आनंद साजरा करण्यासाठी संघ हॉटेलवर पोहोचला असता, टीम बसमधून उतरताना भारताचा अनुभवी सलामीवीर रोहित शर्माचा (Rohit Sharma) पाय घसरला आणि तो खाली पडला. या घटनेचा व्हिडीओ सोशल मीडियावर वाऱ्यासारखा व्हायरल झाला आहे.
बसच्या पायरीवरून पाय सटकला; मदतीसाठी धावले सुरक्षा रक्षक!
सामना संपल्यानंतर भारतीय संघ हॉटेलवर दाखल झाला तेव्हा स्वागतासाठी मोठी गर्दी झाली होती. इतर खेळाडू उतरून आत गेल्यानंतर रोहित शर्मा बसच्या दरवाज्याजवळ आला. खालच्या पायरीवर पाय ठेवताच त्याचा तोल गेला आणि पाय घसरून तो खाली पडला. रोहित पडल्याचे पाहताच तेथे तैनात असलेले पोलीस कर्मचारी आणि सपोर्ट स्टाफ त्याच्या दिशेने धावले आणि त्याला सावरत उठवले.
रोहित हसतमुखाने पुढे निघाला; विराट कोहलीच्या चेहऱ्यावर मात्र चिंता!
Rohit Sharma 𝗦𝗹𝗶𝗽𝗽𝗲𝗱 from the Bus 😱
While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥
– Everyone was celebrating India’s win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb
— Mukku (@Cric_Mukku) September 28, 2026
खाली पडल्यानंतर रोहितने स्वतःला सावरले आणि हसऱ्या चेहऱ्यानेच हॉटेलच्या दिशेने चालू लागला. मात्र, हॉटेलबाहेर उभा असलेला विराट कोहली हा सर्व प्रकार पाहत होता. रोहित पाय घसरून पडताच विराटच्या चेहऱ्यावर काळजी आणि भीतीचे भाव स्पष्टपणे उमटल्याचे व्हिडिओमध्ये दिसत आहे. प्राथमिक दृष्ट्या रोहितला गंभीर दुखापत झालेली दिसत नसली तरी पाय मुरगळला आहे का, याबाबत साशंकता आहे.
३० सप्टेंबरला गुवाहाटीत दुसरा सामना; रोहित खेळणार का?
ROHIT SHARMA SLIPPED FROM BUS 😭😭
After that fall he was rubbing his hand in backside of leg 🥹.
Hope he is well . pic.twitter.com/f0wxMNEdCu— Tikhi mirchi 🌶️ (@MohalekiAunty) September 28, 2026
भारत आणि वेस्ट इंडिज यांच्यातील दुसरा एकदिवसीय सामना बुधवार, ३० सप्टेंबर रोजी गुवाहाटी येथे खेळवला जाणार आहे. जर पाय आपटल्याने किंवा मुरगळल्याने रोहितच्या पायाला सूज आली तर त्याला दुसऱ्या सामन्यातून विश्रांती दिली जाऊ शकते. त्यामुळे आता रोहितच्या फिटनेस अपडेटकडे सर्वांचे लक्ष लागले आहे.
