Gulveer Second Silver : अवघ्या ०.३७ सेकंदाने हुकले सुवर्णपदक! एकाच आशियाडमध्ये दोन पदकं जिंकत सैन्यातील जवानाचा ऐतिहासिक भरारी
Gulveer Second Silver : गुलवीर सिंहने आशियाई क्रीडा स्पर्धा २०२६ मध्ये भारतासाठी दुसरे पदक जिंकले आहे. १०,००० मीटर शर्यतीत दुसरे स्थान पटकावल्यानंतर त्याने १५०० मीटर शर्यतीत रौप्य पदकही जिंकले.
Asian Games 2026 Gulveer Singh Wins Second Silver In Mens 1500m Personal Best : आशियाई क्रीडा स्पर्धा २०२६ (Asian Games 2026) च्या ॲथलेटिक्स ट्रॅकवर भारताचा मध्यम आणि लांब पल्ल्याचा धावपटू गुलवीर सिंहने (Gulveer Singh) ऐतिहासिक कामगिरी करत वैयक्तिक दुसरे रौप्यपदक (Silver Medal) पटकावलं आहे. २५ सप्टेंबर रोजी १०,००० मीटर शर्यतीत रौप्य जिंकल्यानंतर, सोमवारी गुलवीरने पुरुषांच्या १५०० मीटर धावण्याच्या अंतिम फेरीत ३:३६.७२ मिनिटांच्या वैयक्तिक सर्वोत्तम (Personal Best) वेळेसह आणखी एका रौप्यपदकावर आपलं नाव कोरलं.
अवघ्या ०.३७ सेकंदानं हुकलं सुवर्ण; जपानी खेळाडूने मोडला रेकॉर्ड!
या अटीतटीच्या १५०० मीटर शर्यतीत यजमान जपानच्या काझुतो इजावानं ३:३६.३५ सेकंदांच्या नव्या आशियाई क्रीडा विक्रमासह सुवर्णपदक जिंकलं. गुलवीर सुवर्णपदकापासून अवघ्या ०.३७ सेकंदांच्या फरकाने मागे राहिला. तर जपानचाच नागिया मोरी ३:३७.९२ मिनिटांच्या वेळेसह तिसऱ्या स्थानावर राहिला आणि त्याने कांस्यपदक पटकावलं.
आशियाई स्पर्धेतील तिसरं पदक; सैन्यातील नायब सुभेदाराचा पराक्रम!
WHAT A MOMENT FOR GULVEER SINGH! 🇮🇳🥈
Two medals at the Asian Games! 🔥😍
🥈10,000m Silver.
🥈1500m Silver.What a champion. What a fighter. 🫡pic.twitter.com/6ngtbjWOZX
— Sports Apna 🇮🇳 (@sportsapna1) September 28, 2026
भारतीय लष्करात नायब सुभेदार पदावर कार्यरत असणाऱ्या गुलवीरच आशियाई क्रीडा स्पर्धांच्या इतिहासातील हे एकूण तिसरं पदक ठरलं आहे. २०२३ च्या हांगझोऊ आशियाई स्पर्धेत त्याने १०,००० मीटर शर्यतीत कांस्यपदक पटकावलं होतं. पुरुषांच्या १०,००० मीटर स्पर्धेत दोन आशियाई पदके जिंकणारा तो देशाचा पहिलाच ॲथलीट ठरला आहे, तर आता एकाच स्पर्धेत दोन पदकं जिंकून त्याने नवा अध्याय लिहिला.
भारताचा युनूस शाह नवव्या स्थानी; फायनलमध्ये हुकली संधी!
🥈 SILVER FOR GULVEER SINGH! 🇮🇳🔥
Gulveer Singh wins SILVER in the Men’s 1500m at #AsianGames2026! 🏃♂️🥈
Another athletics medal for Team India! 🇮🇳#TeamIndia #Athletics #GulveerSingh #IndiaSportsHub https://t.co/A23ZwSXeHN pic.twitter.com/ld3DOdIFBP
— IndiaSportsHub (@IndiaSportsHub) September 28, 2026
१५०० मीटरच्या अंतिम फेरीत भारताचा दुसरा धावपटू युनूस शाह देखील पदकाच्या शर्यतीत होता. पात्रता फेरीत युनूसने ३:४५.७७ वेळेसह गुलवीरपेक्षाही सरस कामगिरी केली होती. मात्र, अंतिम शर्यतीत चांगल्या सुरुवातीनंतरही त्याला लय राखता आली नाही आणि ३:४३.८८ वेळेसह तो नवव्या स्थानावर फेकला गेला.
