India Asian Semifinal : टॉसही न होता भारत थेट सेमीफायनलमध्ये! १ ऑक्टोबरला उपांत्य फेरीत कोणाशी होणार सामना? जाणून घ्या
India Asian Semifinal : भारतीय संघ आता १ ऑक्टोबर रोजी आपला उपांत्य फेरीचा सामना खेळेल, ज्यामध्ये मंगळवारी होणाऱ्या इतर उपांत्यपूर्व फेरीच्या सामन्यांच्या निकालानंतर त्यांचा प्रतिस्पर्धी निश्चित होईल.
Asian Games 2026 Mens Cricket India Enters Semifinals Shreyas Iyer Match Washed Out : आशियाई क्रीडा स्पर्धा २०२६ (Asian Games 2026) मध्ये श्रेयस अय्यरच्या नेतृत्वाखालील भारतीय क्रिकेट संघाने थेट उपांत्य फेरीत (Semifinals) धडक मारली आहे. सोमवार, २८ सप्टेंबर रोजी भारत आणि अफगाणिस्तान यांच्यात होणारा उपांत्यपूर्व फेरीचा सामना मुसळधार पावसामुळे रद्द करावा लागला. मैदानात नाणेफेकही होऊ शकली नाही; मात्र आंतरराष्ट्रीय टी-२० रँकिंगमध्ये अफगाणिस्तानपेक्षा सरस स्थान असल्याने भारतीय संघाला थेट उपांत्य फेरीचे तिकीट मिळाले.
१ ऑक्टोबरला उपांत्य फेरी; प्रतिस्पर्धी संघाची उत्सुकता!
भारतीय संघ आता १ ऑक्टोबर रोजी दुसरा उपांत्य सामना खेळण्यासाठी मैदानात उतरेल. भारताचा सामना कोणत्या संघाशी होणार, हे मंगळवारी होणाऱ्या तिसऱ्या आणि चौथ्या उपांत्यपूर्व लढतींच्या निकालानंतर स्पष्ट होईल. आशियाई क्रीडा स्पर्धांच्या इतिहासात क्रिकेटचा चौथ्यांदा समावेश झाला असून, बीसीसीआयने दुसऱ्यांदा आपला संघ पाठवला आहे.
२०२३ च्या आठवणी ताज्या; बांगलादेशला लोळवून गाठली होती फायनल!
Bangladesh come into Quarter-Final 4 with a near full-strength side while Malaysia will need to bring their A-game to challenge them. Plenty to look forward to when these two sides meet in the afternoon! 🇧🇩🇲🇾#AsianGames2026 #BANvMAL #ACC pic.twitter.com/R09Pm79PP1
— AsianCricketCouncil (@ACCMedia1) September 28, 2026
Nepal come into Quarter-Final 3 with plenty of momentum but a fresh-looking Sri Lankan side will pose a stern test tomorrow. Fingers crossed the weather stays away and we finally get some uninterrupted game time! 🇱🇰🇳🇵#AsianGames2026 #SLvNEP #ACC pic.twitter.com/neNEA4l5Kt
— AsianCricketCouncil (@ACCMedia1) September 28, 2026
यापूर्वी २०२३ च्या हांगझोऊ आशियाई स्पर्धेत भारताने पहिल्यांदा सहभाग नोंदवला होता. तेव्हा ऋतुराज गायकवाडच्या नेतृत्वाखाली भारताने उपांत्य फेरीत बांगलादेशचा ९ गडी राखून धुव्वा उडवला होता. साई किशोरच्या ३ आणि वॉशिंग्टन सुंदरच्या २ बळींच्या जोरावर भारताने बांगलादेशला २० षटकांत ९ बाद ९६ धावांवर रोखले होते.
तिलक वर्माची ५५ धावांची खेळी; पावसामुळे जिंकले होते सुवर्ण!
Rain, smiles, and mutual respect 🌧️🤝
🎥 Special moments of friendship from Nagoya 💙#TeamIndia | #AsianGames pic.twitter.com/80rHcSNSYD
— BCCI (@BCCI) September 28, 2026
त्या सामन्यात भारताने ९७ धावांचे आव्हान अवघ्या ९.२ षटकांत १ गडी गमावून पार केले होते. तिलक वर्माने अवघ्या २६ चेंडूंत ५५, तर कर्णधार ऋतुराजने २६ चेंडूंत नाबाद ४० धावांची खेळी साकारली होती. त्यानंतर अंतिम फेरीत अफगाणिस्तानविरुद्धचा सामना पावसामुळे वाहून गेल्यानंतरही उच्च क्रमवारीच्या बळावरच भारताने सुवर्णपदकावर मोहर उमटवली होती. आता नागोयात पुन्हा एकदा क्रमवारी भारताच्या मदतीला धावून आली आहे.
