World Cancer Day – जागतिक कर्करोग दिनाच्या निमित्ताने आदित्य बिर्ला मेमोरियल हॉस्पिटलच्या सर्वसमावेशक कर्करोग देखभाल मंच ‘ऑन्को+ द सेंटर ऑफ ऑन्कोलॉजी एक्सलन्स’तर्फे पुण्यात ‘राइड फॉर लाइफ’ कर्करोग जनजागृती बाइक रॅलीचे आयोजन करण्यात आले. या उपक्रमातून कर्करोगाविषयी जागरूकता वाढवणे,

प्रतिबंधाला प्रोत्साहन देणे आणि आजाराचे लवकर निदान करण्याचे महत्त्व अधोरेखित करण्यात आले.सकाळी ९.३० वाजता सुरू झालेल्या या रॅलीत डॉक्टर, आरोग्यसेवक तसेच हॉस्पिटलमधील १५० हून अधिक कर्मचारी सहभागी झाले होते. “युनायटेड बाय युनिक” या संकल्पनेअंतर्गत आयोजित या रॅलीत कर्करोगाचा प्रत्येक प्रवास वेगळा असला,

तरी या आजाराविषयी जनजागृतीची जबाबदारी सर्वांचीच आहे, हा संदेश देण्यात आला. कर्करोगाविषयीची चर्चा हॉस्पिटलच्या चौकटीबाहेर समाजापर्यंत पोहोचवणे, हे या उपक्रमाचे प्रमुख उद्दिष्ट होते.ऑन्को+ च्या माध्यमातून आदित्य बिर्ला मेमोरियल हॉस्पिटलमध्ये एकात्मिक व सर्वांगीण कर्करोग देखभाल सेवा पुरवली जाते.

तज्ज्ञ ऑन्कोलॉजिस्ट्स, प्रगत निदान प्रणाली आणि मल्टिडिसिप्लिनरी उपचार पद्धती यांचा समन्वय साधत लवकर निदान आणि प्रतिबंधावर विशेष भर देण्यात येतो. सातत्यपूर्ण जनजागृती आणि वेळेवर हस्तक्षेपातून कर्करोगाचे ओझे कमी करण्याचे दीर्घकालीन ध्येय या मंचातून प्रतिबिंबित होते.

‘राइड फॉर लाइफ’ बाइक रॅली ही कर्करोगाबाबत जागरूक समाज घडवण्याच्या दिशेने हॉस्पिटलने उचललेले एक महत्त्वाचे पाऊल असून, जागरूकतेतून कृती आणि लवकर निदानातून चांगले उपचार परिणाम साध्य करण्याचा संदेश या उपक्रमातून देण्यात आला. या रॅलीद्वारे आदित्य बिर्ला मेमोरियल हॉस्पिटलने कर्करोगाविरुद्धच्या लढ्यात जागरूकता, प्रतिबंधात्मक उपाय आणि आशेचा निर्धार अधिक दृढ केला आहे.

“कर्करोगावरील उपचारांपूर्वी जागरूकता, प्रतिबंध आणि वेळेवर तपासणी या बाबी अत्यंत महत्त्वाच्या आहेत. समाजात ज्ञान आणि सहभाग असेल, तर सकारात्मक आणि दीर्घकालीन बदल घडवता येतात. ‘राइड फॉर लाइफ’ या रॅलीच्या माध्यमातून आम्ही हाच संदेश देण्याचा प्रयत्न केला आहे. ऑन्को+ अंतर्गत आम्ही उपचारांपलीकडे जाऊन प्रतिबंधावर आधारित कर्करोग देखभाल अधिक बळकट करण्यासाठी कटिबद्ध आहोत.”
– पामेश गुप्‍ता, मुख्य कार्यकारी अधिकारी,आदित्‍य बिर्ला मेमोरियल हाॅस्पिटल