Sharad Pawar is the new state president of the NCP party :आज राष्ट्रवादी काँग्रेस पक्षाची महत्वाची बैठक पार पडणार असून, या बैठकीत नव्या प्रदेशाध्यक्षाच्या नावाची घोषणा करण्यात येणार असल्याची माहिती आहे. शशिकांत शिंदे यांच्या गळ्यात प्रदेशाध्यक्ष पदाची माळ पडू शकते असे सांगितले जात आहे. यामुळे पक्षाच्या नव्या प्रदेशाध्यक्षपदाच्या निवडीचा शरद पवार काय निर्णय घेणार याकडे सर्वांचे लक्ष लागलेले आहे. नुकतीच जयंत पाटील यांनी राष्ट्रवादी काँग्रेस शरद पवार पक्षाच्या प्रदेशाध्यक्ष पदाचा राजीनामा दिल्याची बातमी आली होती. यानंतर शरद पवार यांनी भाकरी फिरवणार असल्याची चर्चा होऊ लागली. अशातच जयंत पाटील यांनी राजीनामा दिला नसल्याचे सांगून प्रदेशाध्यक्ष पदाचा सस्पेन्स वाढला आहे. तसेच ते भाजपात जाणार असल्याची चर्चा देखील होत आहे. यावरही जयंत पाटील यांनी भाष्य करत या शक्यता चुकीच्या असल्याचे म्हटले आहे. या सर्व सुरू असलेल्या चर्चा त्यांनी फेटाळून लावल्या आहेत. मला भाजपकडून कोणीही पक्षप्रवेशासाठी विचारलेले नाही किंवा मी कोणाला विनंती केलेली नाही, असे ते म्हणाले आहेत. ….म्हणून प्रवेश रखडला? माध्यमांमध्ये आलेल्या बातमीनुसार जयंत पाटील यांनी राष्ट्रवादी काँग्रेस (शरद पवार) पक्षाच्या प्रदेशाध्यक्ष पदाचा राजीनामा दिल्यानंतर ते कोणत्याही क्षणी भाजपात प्रवेश करणार असल्याची चर्चा दबक्या आवजात सुरू आहे. मंत्रिमंडळातील सर्वात महत्वाच्या पाच खात्यांपैकी एखाद्या खात्याची अट त्यांनी ठेवली असल्याचे सांगण्यात आले आहे. पण देवेंद्र फडणवीस यांनी हे शक्य नसल्याने तसेच भाजपमधील काही नेत्यांकडून जयंत पाटील यांच्या पक्षप्रवेश विरोध असल्याने त्यांचा पक्षप्रवेश रखडला असल्याची चर्चा राजकीय वर्तुळात होत आहे. सस्पेन्स थांबणार? राष्ट्रवादी काँग्रेस शरदचंद्र पवार पक्षाच्या प्रदेशाध्यक्ष पदाची धुरा जयंत पाटील यांनी दोन टर्म सांभाळली आहे. आता त्यांच्या पदावर पक्षातील शशिकांत शिंदे यांना संधी मिळणार असल्याची दाट शक्यता आहे. विद्यमान प्रदेशाध्यक्ष जयंत पाटील यांनी आपण राजीनामा दिला नसल्याचे स्पष्ट केले आहे. यामुळे पाटील पक्षाच्या प्रदेशाध्यक्ष पदाचा राजीनामा देऊन पायउतार होणार का? आणि त्यांच्या जागी शशिकांत शिंदे यांना संधी दिली जाणार का? यामुळे आजच्या बैठकीत काय होणार हे पाहणे अत्यंत महत्वाचे असणार आहे. हेही वाचा : बॉम्बे स्टॉक एक्सचेंजला बॉम्बस्फोटाची धमकी ; बॉम्बशोधक पथक घटनास्थळी दाखल, गुन्हा दाखल
