NCP Cabinet Expansion : मोठी घडामोड..! राष्ट्रवादीच्या काही मंत्र्यांना डच्चू? ‘या’ दोन नव्या चेहऱ्यांना संधी मिळणार?
NCP Cabinet Expansion : राज्याच्या पावसाळी अधिवेशनानंतर आता मंत्रिमंडळ विस्ताराच्या आणि खांदेपालटाच्या चर्चांना कमालीचा वेग आला आहे.
NCP Cabinet Expansion : राज्य मंत्रिमंडळाचा विस्तार लवकरच होण्याची शक्यता व्यक्त केली जात असून, त्याआधी महायुतीत मोठ्या राजकीय हालचाली सुरू झाल्याची चर्चा आहे. विशेषतः राष्ट्रवादी काँग्रेसकडून काही विद्यमान मंत्र्यांना वगळून नव्या चेहऱ्यांना संधी दिली जाऊ शकते, अशी सूत्रांची माहिती आहे. (NCP Cabinet Expansion)
या संभाव्य विस्तारात बीडच्या परळीचे आमदार धनंजय मुंडे आणि मावळचे आमदार सुनील शेळके यांच्या नावांची जोरदार चर्चा सुरू आहे. त्यामुळे राष्ट्रवादीच्या गोटात राजकीय घडामोडींना वेग आला आहे. (NCP Cabinet Expansion)
धनंजय मुंडेंच्या पुनरागमनाची चर्चा
धनंजय मुंडे यांनी मार्च २०२५ मध्ये मंत्रिपदाचा राजीनामा दिला होता. संतोष देशमुख हत्याप्रकरणातील काही आरोपींशी त्यांचे निकटचे संबंध असल्याचे आरोप झाल्यानंतर त्यांच्यावर मोठ्या प्रमाणावर टीका झाली होती. जवळपास चार महिने सुरू असलेल्या राजकीय दबावानंतर त्यांनी मंत्रिपदाचा राजीनामा दिला होता. (NCP Cabinet Expansion)
यानंतरही त्यांनी या प्रकरणातील आरोपींबाबत व्यक्त केलेल्या भूमिकेमुळे विरोधकांनी त्यांच्यावर टीकेची झोड उठवली होती. त्यामुळे त्यांच्या पुनरागमनाबाबत अद्यापही राजकीय वर्तुळात मतमतांतरे आहेत. (NCP Cabinet Expansion)
सुनील शेळकेंच्याही नावाची चर्चा
मावळचे आमदार सुनील शेळके यांच्याही नावाची मंत्रिपदासाठी चर्चा सुरू आहे. राष्ट्रवादी काँग्रेसकडून संघटनात्मक आणि प्रादेशिक समतोल साधण्यासाठी काही नवीन चेहऱ्यांना संधी दिली जाऊ शकते, अशी चर्चा राजकीय वर्तुळात रंगली आहे. (NCP Cabinet Expansion)
भाजप-शिवसेनेतही बदलांची शक्यता
दरम्यान, भाजप आणि शिवसेना (शिंदे गट) यांच्या मंत्रिमंडळातील काही खात्यांमध्येही फेरबदल होण्याची शक्यता व्यक्त केली जात आहे. काही विद्यमान मंत्र्यांच्या कामगिरीचा आढावा घेऊन नव्या आमदारांना संधी दिली जाऊ शकते, अशीही चर्चा आहे. (NCP Cabinet Expansion)
