![\"Malaika](\"https://axrmzc5ulsbu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2021/03/arbaaz-khan-and-malaika-arora.jpg\")
Malaika Arora : 52 व्या वर्षी मलायका अरोरा करणार दुसरं लग्न? नवीन बॉयफ्रेंडसोबतचा ‘तो’ व्हिडिओ झाला व्हायरल, चर्चांना उधाण.!
अभिनेता अर्जुन कपूरसोबतच्या ब्रेकअपनंतर मलायकाच्या आयुष्यात नेमकं कोण आहे, याची उत्सुकता चाहत्यांना लागून राहिली होती.
मुंबई : अभिनेत्री मलायका अरोरा पुन्हा एकदा तिच्या लव्ह लाइफमुळे चर्चेच्या केंद्रस्थानी आली आहे. अभिनेता अर्जुन कपूरसोबतच्या ब्रेकअपनंतर मलायकाच्या आयुष्यात नेमकं कोण आहे, याची उत्सुकता चाहत्यांना लागून राहिली होती.
गेल्या काही महिन्यांपासून डायमंड व्यावसायिक हर्ष मेहता याच्यासोबत तिच्या नावाची चर्चा सुरू आहे. दोघे अनेकदा एकत्र दिसल्याने या चर्चांना बळ मिळालं.
मात्र, आता घडलेली एक गोष्ट या सगळ्या चर्चांना आणखी हवा देणारी ठरली आहे. 26 ऑगस्ट रोजी ओणमच्या निमित्ताने हर्ष मेहता थेट मलायकाच्या आईच्या घरी पोहोचला आणि कुटुंबासोबत सण साजरा करताना दिसला.
Malaika Arora |
हर्षची मलायकाच्या आईच्या घरी झालेली ही उपस्थिती पाहून सोशल मीडियावर एकच प्रश्न विचारला जात आहे, “रिश्ता पक्का झाला का? मलायका पुन्हा लग्नाच्या तयारीत आहे का?”
View this post on Instagram
ओणमच्या निमित्ताने मलायका तिच्या आई जॉयस अरोरा यांच्या घरी गेली होती. मलायकाने पारंपरिक पोशाखात ओणम सेलिब्रेशन केल्याचंही समोर आलं आहे. याचवेळी हर्ष मेहताही तिच्या आईच्या घरी पोहोचल्याचं पाहायला मिळालं.
पापाराझींनी हर्षला कॅमेऱ्यात टिपण्याचा प्रयत्न केला, मात्र तो कॅमेऱ्यांपासून दूर राहण्याचा प्रयत्न करताना दिसला. त्याचा हा व्हिडीओ सोशल मीडियावर व्हायरल होताच नेटकऱ्यांनी मलायका आणि हर्षच्या नात्याबाबत तर्क-वितर्क सुरू केले.
सोशल मीडियावर काही युझर्सनी ‘रिश्ता पक्का झाला वाटतंय’, ‘शादी कब?’ अशा प्रतिक्रिया देत दोघांच्या लग्नाचा अंदाज व्यक्त केला. काहींना मलायका आणि हर्षची जोडी आवडली असून त्यांनी दोघांना शुभेच्छाही दिल्या आहेत.
View this post on Instagram
मात्र, केवळ एखाद्या सणासाठी कुटुंबीयांच्या घरी एकत्र दिसणं म्हणजे लग्न निश्चित झालं, असा निष्कर्ष काढता येणार नाही. लग्न किंवा साखरपुड्याबाबत मलायका आणि हर्षकडून अद्याप कोणतीही अधिकृत घोषणा झालेली नाही. त्यामुळे सध्या या सगळ्या चर्चा केवळ सोशल मीडिया आणि त्यांच्या सार्वजनिक उपस्थितींवर आधारित आहेत.
मलायका आणि हर्ष यांना यापूर्वीही विविध ठिकाणी एकत्र पाहिल्याचे वृत्त आहे. त्यामुळे दोघांच्या नात्याबाबत गेल्या काही महिन्यांपासून सातत्याने चर्चा सुरू आहे.
19 वर्षांनी लहान हर्षसोबत मलायकाचं नातं?
Malaika Arora
मलायका अरोरा सध्या 52 वर्षांची असून हर्ष मेहता तिच्यापेक्षा जवळपास 19 वर्षांनी लहान असल्याचं विविध वृत्तांत नमूद करण्यात आलं आहे. मात्र, दोघांच्या वयातील अंतरापेक्षा त्यांच्या नात्याची सत्यता सध्या अधिक चर्चेचा विषय आहे.
यापूर्वी मलायका अभिनेता अरबाज खानसोबत विवाहबद्ध झाली होती. दोघांनी 1998 मध्ये लग्न केलं होतं. 2017 मध्ये त्यांचा घटस्फोट झाला. दोघांना अरहान खान हा मुलगा आहे. त्यानंतर मलायका आणि अभिनेता अर्जुन कपूर यांच्या नात्याची अनेक वर्षे चर्चा झाली; मात्र त्यांचं नातंही पुढे संपुष्टात आलं.
