Political News : बिहारच्या राजकारणात राष्ट्रीय लोक मोर्चा (RLM) आणि भारतीय जनता पक्ष (BJP) यांच्या संभाव्य विलीनीकरणाच्या चर्चांनी जोर धरला आहे. आरएलएमचे प्रमुख उपेंद्र कुशवाह यांचा पक्ष भाजपमध्ये विलीन होणार का, याबाबत राजकीय वर्तुळात तर्कवितर्क सुरू आहेत. या चर्चांना कारण ठरले आहे ते त्यांचे पुत्र आणि बिहार सरकारमधील पंचायतीराज मंत्री दीपक प्रकाश यांच्या मंत्रीपदाभोवती निर्माण झालेली परिस्थिती. (Political News)

दीपक प्रकाश हे मंत्री असले तरी त्यांना सहा महिन्यांच्या आत विधानमंडळाच्या कोणत्यातरी सभागृहाचे सदस्य होणे आवश्यक होते. सुरुवातीला त्यांना उमेदवारी मिळाली नव्हती. मात्र, भाजपच्या एका आमदाराने राजीनामा दिल्यानंतर रिक्त झालेल्या विधान परिषद (MLC) जागेवर त्यांची निवड झाली आणि त्यांचे मंत्रीपद कायम राहिले. (Political News)

याच घडामोडीनंतर राजकीय वर्तुळात अशी चर्चा सुरू झाली की, भाजपने उपेंद्र कुशवाह यांच्यासमोर आरएलएमचे भाजपमध्ये विलीनीकरण करण्याची अट ठेवली आहे. या दाव्याला अधिकृत दुजोरा मिळालेला नसला, तरी बिहारच्या राजकारणात या चर्चेने वेग घेतला आहे. (Political News)

दीपक प्रकाश यांचे विधान परिषद सदस्यत्व मर्यादित कालावधीसाठी असल्याने त्यानंतर पुन्हा त्यांना सभागृहात आणण्याचा प्रश्न निर्माण होणार आहे. त्यामुळे पुढील काही महिन्यांत उपेंद्र कुशवाह यांना आपल्या पक्षाच्या भवितव्याबाबत महत्त्वाचा निर्णय घ्यावा लागू शकतो, अशी चर्चा राजकीय वर्तुळात सुरू आहे. (Political News)

दरम्यान, उपेंद्र कुशवाह यांच्यासमोर पक्षांतर्गत आव्हानेही कमी नाहीत. पक्षातील काही आमदार स्वतंत्र भूमिका घेत असल्याची चर्चा आहे. त्यामुळे पक्षाची एकजूट टिकवणे आणि राजकीय अस्तित्व कायम ठेवणे हे त्यांच्यासमोर मोठे आव्हान मानले जात आहे. (Political News)

या प्रकरणाला न्यायालयीन बाजूही आहे. कोणत्याही सभागृहाचे सदस्य नसताना दीपक प्रकाश मंत्री राहिल्याबाबत सर्वोच्च न्यायालयात जनहित याचिका दाखल करण्यात आली होती. त्यानंतर त्यांची विधान परिषदेत नियुक्ती झाल्याने सरकारला दिलासा मिळाला असला, तरी या प्रकरणावरील अंतिम न्यायालयीन निर्णय अद्याप बाकी आहे. (Political News)

 

आरएलएमचे भाजपमध्ये विलीनीकरण होणार की उपेंद्र कुशवाह स्वतंत्र राजकीय भूमिका कायम ठेवणार, याकडे आता बिहारसह देशाच्या राजकीय वर्तुळाचे लक्ष  लागले आहे. मात्र, सध्या या संदर्भातील दावे हे प्रामुख्याने राजकीय चर्चांवर आणि सूत्रांच्या माहितींवर आधारित असून कोणतीही अधिकृत घोषणा झालेली नाही. (Political News)

political news : “मी या पदासाठी पात्र आहे कि नाही?” ; विधानसभा अध्यक्ष भावुक, पदाचा देणार राजीनामा ?

Political News : देशाच्या राजकारणात मोठा भूकंप; ६ खासदार, अनेक आमदार NDAची साथ सोडणार?