Train Fire : शुक्रवारी दुपारी अमृतसरकडे जाणाऱ्या कर्मभूमी एक्सप्रेसच्या चार जनरल डब्यांना अचानक आग लागल्याने प्रवाशांमध्ये घबराट पसरली. ट्रेनच्या डब्यांमधून धुराचे लोट आणि आगीच्या ज्वाला बाहेर पडत होत्या, ज्यामुळे प्रवासी ओरडू लागले. (Train Fire)

जीव वाचवण्यासाठी प्रवासी धावत्या ट्रेनमधून खाली उतरू लागले. ही घटना राजपुरा जवळ घडली. रेल्वे कर्मचारी, पोलीस आणि अग्निशमन दलाची पथके घटनास्थळी दाखल झाली आणि त्यांनी बचावकार्य सुरू केले. सर्व प्रवाशांना सुखरूप बाहेर काढण्यात आले. रेल्वे अधिकाऱ्यांच्या माहितीनुसार, आतापर्यंत कोणतीही जीवितहानी किंवा जखमी झाल्याचे वृत्त नाही. (Train Fire)

रेल्वे अधिकाऱ्यांनी दिलेल्या माहितीनुसार, गाडी क्रमांक १२५०८ अमृतसर-न्यू जलपाईगुडी कर्मभूमी एक्सप्रेस शुक्रवारी दुपारी १२:५८ वाजता फतेहगड साहिब जिल्ह्यातील साधुगड रेल्वे स्थानकावरून निघाली. त्यानंतर थोड्याच वेळात, राजपुराजवळ गाडीच्या जनरल डब्यांना आग लागली. (Train Fire)

चार जनरल डबे आगीच्या भक्ष्यस्थानी पडले. मिळालेल्या माहितीनुसार, इंजिनपासून पाचव्या क्रमांकावर असलेल्या २६५२८७जीएस या डब्यात आग लागली आणि धूर व आगीच्या ज्वाला वेगाने आजूबाजूच्या डब्यांमध्ये पसरल्या, ज्यामुळे गाडीतील प्रवाशांमध्ये घबराट पसरली. (Train Fire)