Actress Amisha Patel : बॉलिवूडची प्रसिद्ध अभिनेत्री अमिषा पटेल हिने हृतिक रोशनसोबत ‘कहो ना प्यार है’ या सिनेमातून बॅालिवूडमध्ये एन्ट्री केली. त्यानंतर तिने अनेक सिनेमे केले. तिने केलेल्या गदर या सिनेमाने तिला मोठी लोकप्रियता मिळवून दिली. अभिनेत्री आता ५० वर्षांची झाली असून तिने अद्यापर्यंत लग्न का केलं नाही याचं कारण सांगत मोठा खुलासा केला आहे.

अमिषा पटेल म्हणाली, “मला भेटलेल्या बहुतेक लोकांना मी लग्नानंतर घरीच राहावे आणि काम करू नये असं वाटत होतं. हे मला पटत नव्हते. मला माझे तारुण्य फक्त कोणाची पत्नी बनून घालवायचे नव्हते, असं तिने सांगितलं. तसंच तिला लग्नाचे अनेक प्रस्ताव आले होते, पण प्रत्येकाचेच हेच म्हणणे होते अभिनयातून एक्सिट घ्यावी, पण ही गोष्ट मला पटत नव्हती म्हणून मी लग्न केलं नाही, असा खुलासा अभिनेत्री अमिषा पटेल हिने केला आहे. नुकतीच तिने एक पॅाडकास्टमध्ये दिलेल्या मुलाखतीत यावर याबाबत सांगितलं आहे.

अमिषा पुढे म्हणाली, “तुम्हाला प्रेम करणारे लोक तुमच्या करिअरला भरभराटीला आणतील. मी माझ्या करिअरसाठी मी अनेक गोष्टींचा त्याग केला आहे. चित्रपटांमध्ये येण्यापूर्वी मी रिलेशनशिपमध्ये होते. तो माझ्यासाठी एक चांगला पर्याय होता, पण जेव्हा मी चित्रपटांमध्ये येण्याचा निर्णय घेतला, तेव्हा माझ्या जोडीदाराला मी लोकांच्या नजरेत येऊ नये असं वाटत होतं. म्हणून मी प्रेमापेक्षा करिअरला अधिक महत्व दिलं असल्याचं अभिनेत्रीने स्पष्टे केलं.

हेही वाचा : गोपीचंद पडळकरांच्या वादग्रस्त विधानावर मुख्यमंत्र्यांची पहिली प्रतिक्रिया म्हणाले “आपण बोलत असताना….”