Who is Mark Carney? । कॅनडाच्या लिबरल पार्टीचे नवे नेते म्हणून मार्क कार्नी यांची निवड झाली आहे. या निवडीने ते आता जस्टिन ट्रुडो यांची जागा घेतील आणि कॅनडाचे २४ वे पंतप्रधान बनतील. बँक ऑफ कॅनडाचे माजी गव्हर्नर मार्क कार्नी आता सार्वत्रिक निवडणुकीत लिबरल पक्षाचे नेतृत्व करतील. जानेवारीमध्ये ट्रुडो यांनी आपल्या पदाचा राजीनामा देण्याची घोषणा केली होती. लिबरल पक्षाच्या नेतृत्वाच्या शर्यतीत कार्नी यांनी निर्णायक विजय मिळवला आहे. त्यांना एकूण ८५.९ टक्के मते मिळाली. त्यांच्या प्रचारात, कार्नी यांनी स्वतःला अमेरिकेचे अध्यक्ष डोनाल्ड ट्रम्प यांचे विरोधक म्हणून सादर केले. ट्रम्पच्या टॅरिफ धमकीबद्दल कार्नी म्हणाले की, आम्ही त्यांना यशस्वी होऊ देणार नाही. अमेरिका आमच्यासोबत मुक्त व्यापार करारावर स्वाक्षरी करत नाही तोपर्यंत अमेरिकेविरुद्धचे शुल्क कायम राहील, असे त्यांनी सांगितले. कोण आहेत मार्क कार्नी ? Who is Mark Carney? । * कॅनडाच्या राजकारणात वेगाने उदयास आलेले ५९ वर्षीय मार्क कार्नी हे एक प्रसिद्ध अर्थशास्त्रज्ञ आणि माजी केंद्रीय बँकर आहेत. जस्टिन ट्रूडो यांनी राजीनामा जाहीर केल्यानंतर ते पंतप्रधानपदाच्या शर्यतीत आघाडीवर होते. * मार्क कार्नी यांचा जन्म कॅनडाच्या वायव्य प्रदेशातील एका लहान गावात झाला. त्यांनी हार्वर्ड आणि ऑक्सफर्ड विद्यापीठातून आपले शिक्षण पूर्ण केले. कार्नी त्या काळात हॉकी खेळत असे. * २००८ च्या आर्थिक संकटादरम्यान मार्क कार्नी हे बँक ऑफ कॅनडाचे गव्हर्नर होते आणि त्यांनी देशाचे व्यवस्थापन खूप चांगल्या प्रकारे केले. यानंतर ते बँक ऑफ इंग्लंडचे गव्हर्नरही झाले, त्यानंतर ते जगभर प्रसिद्ध झाले. हे पद भूषवणारे ते पहिले बिगर-ब्रिटिश नागरिक बनले. सार्वजनिक सेवेत येण्यापूर्वी त्यांनी गोल्डमन सॅक्स येथे गुंतवणूक बँकिंगमध्ये काम केले. * जेव्हा मार्क कार्नी यांना इंग्लंडच्या सेंट्रल बँकेचे गव्हर्नर बनवण्यात आले तेव्हा तेथील सर्व राजकीय पक्षांनी त्यांचे कौतुक केले. त्यानंतर ते अर्थशास्त्रज्ञ म्हणून प्रसिद्ध झाले. * २०२० मध्ये बँक ऑफ इंग्लंडमधून पायउतार झाल्यानंतर मार्क कार्नी यांनी संयुक्त राष्ट्रांमध्येही काम केले. इतका अनुभव असूनही, मार्क कार्नी यांनी कधीही निवडणूक लढवली नाही किंवा कॅनडाच्या संसदेतही नव्हते. * कॅनडाचे नवे पंतप्रधान मार्क कार्नी इंग्लंडचे राजा चार्ल्स तिसरे यांचे प्रतिनिधी गव्हर्नर जनरल मेरी सायमन यांची भेट घेतील, ज्या त्यांना सरकार स्थापन करण्यासाठी आमंत्रित करतील. डोनाल्ड ट्रम्प यांचे कट्टर विरोधक Who is Mark Carney? । मार्क कार्नी हे डोनाल्ड ट्रम्प यांचे विरोधक मानले जातात. पंतप्रधानपदाच्या शर्यतीत कार्नी यांचा विजय, प्रमुख दावेदार क्रिस्टिया फ्रीलँड यांचा पराभव, ट्रम्पविरोधी भूमिका म्हणून पाहिला जात आहे. लिबरल पक्षाचे नेते म्हणून निवड झाल्यानंतर, मार्क कार्नी यांनी डोनाल्ड ट्रम्प यांच्यावर प्रत्युत्तर देत म्हटले की, “अमेरिका म्हणजे कॅनडा नाही. कॅनडा कधीही अमेरिकेचा भाग होऊ शकत नाही. अमेरिकन सरकार कॅनडाची संसाधने, पाणी आणि जमीन ताब्यात घेऊ इच्छिते. जर ते यात यशस्वी झाले तर ते आपले आयुष्य उद्ध्वस्त करतील.” असे स्पष्ट मत त्यांनी मांडले होते. ट्रम्पच्या टॅरिफ वॉरचा कसा करणार सामना ? संपूर्ण जग मंदीचा सामना करत असताना मार्क कार्नी बँक ऑफ कॅनडाचे गव्हर्नर होते. पण कॅनडाला या संकटातून यशस्वीरित्या बाहेर काढण्यात कार्नी यशस्वी झाले होते. लिबरल नेत्याच्या शर्यतीत शक्तिशाली नेते असूनही त्यांची निवड करण्यात आली याचे हेच कारण आहे. लिबरल पक्षाला माहित आहे की कार्नी डोनाल्ड ट्रम्पच्या टॅरिफ वॉरचा चांगल्या प्रकारे सामना करू शकतील. डॉलरच्या बदल्यात डॉलरचा त्यांचा नारा याचा पुरावा आहे. अर्थशास्त्रज्ञ म्हणून, मार्क कार्नी यांनी अनेक प्रसंगी म्हटले आहे की, “जर कॅनडाने त्यांच्या अर्थव्यवस्थेला हानी पोहोचवणाऱ्या अमेरिकेच्या धोरणांना प्रतिसाद दिला तर डॉलरच्या बदल्यात डॉलर हा परिपूर्ण उपाय असेल. ट्रम्प ज्या पद्धतीने कॅनडाची अर्थव्यवस्था कमकुवत करत आहेत आणि कॅनेडियन डॉलरला हानी पोहोचवत आहेत. आपणही अमेरिकन डॉलरच्या वर्चस्वाला आव्हान दिले पाहिजे.” असे त्यांनी म्हटले होते. पक्षाचे नेते निवडून आल्यानंतर कार्नी यांनी ट्रम्पवर देशाच्या अर्थव्यवस्थेला कमकुवत करण्याचा आरोप केला. ते म्हणाले की, त्या देशावर आपण आता विश्वास ठेवू शकत नाही त्यामुळे कॅनडा अडचणींचा सामना करत आहे.” असे म्हटले. तसेच “जोपर्यंत अमेरिका आपल्याबद्दल आदर दाखवत नाही. आम्ही अमेरिकेवर परस्पर शुल्क देखील लादू. नवीन आव्हाने नवीन कल्पना आणि नवीन योजना घेऊन येतात. आणि ते आपल्यावर हल्ला करत आहे, म्हणून आम्ही त्याला यशस्वी होऊ देणार नाही” असे त्यांनी म्हटले. हेही वाचा माजी गव्हर्नर मार्क कार्नी कॅनडाचे नवे पंतप्रधान ; जस्टिन ट्रुडो यांची जागा घेणार अमेरिकेत आणखी एक मोठा अपघात! अपघातानंतर विमान आगीच्या भक्ष्यस्थानी ; जवळ असणाऱ्या गाड्यांही आगीने होरपळल्या
