Mahakumbh: वैदिक सनातन धर्माचा अत्यंत प्रतिष्ठेचा कुंभ महोत्सव प्रयागराजमध्ये सुरू झाला आहे. कुंभ हे केवळ लोकांच्या मेळाव्याचे आणि श्रद्धेचे केंद्र नाही तर ज्ञान आणि उपासनेचेही केंद्र आहे. यामध्ये केवळ अथांग पाण्याचा संगम नाही तर वैविध्यपूर्ण विचारांचा संगम आहे. या कुंभात अनेक संत-मुनी पोहोचले आहेत. त्यांच्यामध्ये असे अनेक आहेत जे त्यांच्या वेगळ्या स्टाइलमुळे चर्चेत असतात. असेच एक बाबा म्हणजे अभय सिंह, जे इंजिनीअर बाबा या नावाने चर्चेत आलेत.

‘इंजिनियर बाबा’ कोण आहे?

इंजिनीअर बाबा म्हणून इंटरनेटवर व्हायरल होणारे अभय सिंह दावा करतात की ते इंडियन इन्स्टिट्यूट ऑफ टेक्नॉलॉजी, बॉम्बे (IIT-B) चे माजी विद्यार्थी आहे. त्यांनी तेथून एरोस्पेस इंजिनीअरिंगमध्ये बीटेक केले आहे. अभय सिंह हे मूळचे हरियाणाचे आहे. जुना आखाड्याशी संबंधित असलेल्या अभय सिंह यांनी आपल्या खास शैलीने महाकुंभात लोकांचे लक्ष वेधून घेतले आहे, ते चित्र आणि रेखाचित्रांच्या मदतीने भक्तांना जटिल आध्यात्मिक संकल्पना समजावून सांगतात.

बाबा अभय सिंह IIT ते ‘भक्ती’ मार्गावर येण्यापर्यंतच्या त्यांच्या प्रवासाबद्दल सांगतात. हरियाणातील झज्जरमध्ये त्यांचा जन्म झाल्याचे त्यांनी सांगितले. त्यांचं शालेय शिक्षण तिथेच झालं, त्यानंतर त्यांनी जेईची तयारी सुरू केली. त्यानंतर ते एरोस्पेस इंजिनिअरिंगसाठी मुंबई आयआयटीमध्ये गेले. जिथे त्यांच्या आयुष्याला वेगवेगळी वळणे लागली. त्यांनी सांगितले की जेव्हा मी IIT मधून एरोस्पेस इंजिनियरिंग करत होतो तेव्हा मला वाटले की हेच सर्व काही आहे. नंतर जेव्हा मी अध्यात्माकडे वळलो तेव्हा मला आता हेच खरे सायंस असल्याचे वाटते.

आयुष्यातील महत्त्वाची गोष्ट सांगितली –

अभय सिंह सांगतात की, अभियांत्रिकीदरम्यान त्यांचा मानवतेकडे प्रकर्षाने कल होता. या संदर्भात त्यांनी तत्त्वज्ञानाशी संबंधित विविध ग्रंथ आणि तत्त्वज्ञानाचे वाचन केले. या काळात त्यांची डिझायनिंगची आवडही वाढली. त्यामुळे ते दोन वर्षे डिझायनिंगही शिकले. पुढे त्यांनी बराच काळ फोटोग्राफी कंपनीतही काम केले, पण काही काळानंतर ते तिथेही असमाधानी राहिले.

यादरम्यान ते डिप्रेशनमध्ये गेले. यातून बाहेर पडण्यासाठी ते कॅनडामध्ये नोकरीलाही गेले. जिथे त्यांनी कामही केले. जिथे त्यांचा पगार महिना तीन लाख होता. त्यानंतर पगारही वाढला. मात्र, तेथेही त्यांना रस नव्हता. नंतर ते कोरोनाच्या काळात भारतात आले. यानंतर त्यांनी तत्त्वज्ञानाशी संबंधित विषयांचा अभ्यास सुरू केला आणि त्यांच्या जीवनाचे सार समजून घेण्याचा प्रयत्न केला. आता ते म्हणतात की त्यांनी आपले जीवन देवाला समर्पित केले आहे. ते शोधत असलेले समाधान त्यांना भक्तीमध्ये मिळत आहे.

‘अध्यात्म’ हा केवळ वैयक्तिक शोध नाही –

बाबा अभय सिंह म्हणतात की ‘अध्यात्म’ हा केवळ एक व्यक्तीगत किंवा वेगळा शोध नाही. हे सार आहे जे भारताच्या संपूर्ण सांस्कृतिक आणि अध्यात्मिकतेला जोडते.