IIT Bombay campus hostel : मुंबईतील पवई येथील भारतीय तंत्रज्ञान संस्थेच्या म्हणजे आयआयटी कॅम्पसमध्ये एका हॉस्टेलमधील सिलिंडरच्या पाईपमधून गॅस गळती झाल्यामुळे भीषण आग लागली.

या दुर्घटनेत दोन लहान मुलांसह एकूण पाच जण जखमी झाले आहेत, अशी माहिती अधिकाऱ्यांनी दिली. ही घटना गुरुवारी रात्री १०:२५ वाजण्याच्या सुमारास हॉस्टेल क्रमांक ६ मध्ये घडली.

घटनेनंतर सर्व जखमींना तातडीने घाटकोपर येथील महापालिका चालवल्या जाणाऱ्या राजावाडी रुग्णालयात दाखल करण्यात आले.

एका अधिकाऱ्याने दिलेल्या माहितीनुसार, त्यापैकी चार जणांना नंतर चिंचपोकळी येथील महापालिकेच्या कस्तुरबा रुग्णालयात हलवण्यात आले आहे, तर एक जण अद्याप राजावाडी रुग्णालयात दाखल आहे.

अंश अहिरवार (वय १२), तहजीब आलम (वय ९), ईश्वर सिंग (वय ३७), शिवकुमार सिंग (वय ३४) आणि अनिलकुमार यादव (वय २३) अशी जखमींची नावे आहेत.

घटनेची माहिती मिळताच पोलीस कर्मचारी आणि बृहन्मुंबई महानगरपालिकेचे पथक तात्काळ घटनास्थळी दाखल झाले आणि त्यांनी परिस्थितीवर नियंत्रण मिळवले.