West Bengal Elections 2026 : पश्चिम बंगाल विधानसभा निवडणुकीसाठी (West Bengal Elections 2026) भारतीय जनता पक्षाने आज आपल्या 144 उमेदवारांची पहिली यादी प्रसिद्ध केली. या यादीतील (West Bengal Elections 2026) सर्वात लक्षवेधी लढत कोलकाता येथील भवानीपूर मतदारसंघात पाहायला मिळणार असून, भाजपने मुख्यमंत्री ममता बॅनर्जी यांच्या विरोधात पुन्हा एकदा त्यांचे कट्टर राजकीय प्रतिस्पर्धी शुभेंदु अधिकारी यांना मैदानात उतरवले आहे. २०२१ च्या निवडणुकीत (West Bengal Elections 2026) नंदीग्राममध्ये ममता बॅनर्जी यांचा पराभव करणाऱ्या अधिकारी यांच्यावर पक्षाने पुन्हा एकदा मोठ्या विजयाची जबाबदारी सोपवली आहे. भाजपच्या या पहिल्या यादीत अनेक दिग्गज नेत्यांच्या नावांचा समावेश करण्यात आला आहे. प्रदेशातील प्रभावी नेते दिलीप घोष यांना खड़गपूर सदरमधून उमेदवारी देण्यात आली असून, बिमान महतो हे सालबोनी मतदारसंघातून नशीब आजमावणार आहेत. West Bengal Elections 2026 दक्षिण कोलकातामधील महत्त्वपूर्ण असलेल्या रासबिहारी मतदारसंघातून स्वपन दासगुप्ता निवडणूक लढवतील. महिला उमेदवारांनाही यादीत स्थान देण्यात आले असून कांती उत्तरमधून सुमिता सिन्हा, पुरसुरामधून बिमान घोष आणि कुलतली मतदारसंघातून माधवी महालदार यांना संधी देण्यात आली आहे. याशिवाय पलाशीपाडामधून अनिमा दत्ता आणि झाडग्राममधून लक्षीकांत साहू यांच्या नावावर शिक्कामोर्तब करण्यात आले आहे. भवानीपूरची ही लढत राजकीयदृष्ट्या अत्यंत संवेदनशील मानली जात आहे. २०२१ च्या नंदीग्राममधील पराभवानंतर ममता बॅनर्जी यांनी भवानीपूर पोटनिवडणुकीत विजय मिळवून आपले मुख्यमंत्रीपद टिकवले होते. आता याच मतदारसंघात भाजपने पुन्हा शुभेंदु अधिकारी यांना समोर उभे केल्याने बंगालमध्ये ममता विरुद्ध शुभेंदु असा पुन्हा एकदा चुरशीचा सामना रंगणार आहे.
