मुंबई – ‘फु बाई फू’, ‘कॉमेडीची बुलेट ट्रेन’ आणि ‘महाराष्ट्राची हास्यजत्रा’ या कार्यक्रमामुळे प्रसिद्धीझोतात आलेली महाराष्ट्राची नामांकित हास्यवीर म्हणजेच, अभिनेत्री ‘विशाखा सुभेदार’ हिने आपल्या उत्तम अभिनयाने फॅन्सच्या मनात मोठे घर निर्माण केले. तिच्या अभिनयाची सर्वत्र जबरदस्त चर्चा होत असते. विशाखा सुभेदार आपल्या विनोदी अभिनयाने प्रेक्षकांना खळखळवून हसवत असते.

दरम्यान, विशाखा सुभेदार ही सध्या तिच्या ‘कुर्रर्रर्रर्र’ या नाटकामुळे चर्चेत आहेत. विशाखा सुभेदारने मराठी मालिका आणि चित्रपटांमध्ये आपला ठसा उमटवला आहे. सोशल मीडियावर सक्रिय असणारी विशाखा पुन्हा एकदा आपल्या नव्या व्हिडिओमुळे चर्चेत आली आहे. नुकतंच तिने एक व्हिडीओ शेअर केला असून, या व्हिडीओच्या कॅप्शनने सर्वांचेच लक्ष वेधून घेतले आहे.

विशाखा सुभेदार हिने आपल्या अधिकृत इंस्टाग्रामवर एक रिल शेअर केला आहे. या रिलमध्ये विशाखा एका जुन्या गाण्यावर अभिनय करताना दिसत आहे. या व्हिडिओला तिने एक भन्नाट कॅप्शन दिल आहे. ‘तुम समझ नही आती… म्हणणाऱ्या सगळ्या पुरुषांना एकच सांगायचं आहे…

तितकी समज तुमच्यात नाहीय, पण खरच कोणीही कोणाला समजुन घेण्यापेक्षा उमजून घेणे गरजेचे आहे. हा तोच फरक आहे, जो ऐकणे आणि लक्षपूर्वक ऐकणे हया शब्दांत जो फरक आहे.” या आशयाचे कॅप्शन तिने दिलं आहे. सध्या तिच्या या व्हिडिओवर अनेकांनी लाईक्स आणि कमेंट केल्या आहेत.