Virat Kohli Special Post for Favorite Batting Partner Ajinkya Rahane : शिखर धवन, चेतेश्वर पुजारा, रोहित शर्मा आणि विराट कोहली यांच्यानंतर भारतीय कसोटी क्रिकेटच्या सुवर्ण युगातील महत्त्वाचा शिलेदार अजिंक्य रहाणे (Ajinkya Rahane) यानेही गुरुवारी ३० जुलै रोजी आंतरराष्ट्रीय क्रिकेटला पूर्णविराम दिला. सलग तीन वर्षे भारतीय संघातून बाहेर राहिल्यानंतर रहाणेने घेतलेल्या निवृत्तीच्या निर्णयामुळे भारतीय क्रिकेटमधील एका मोठ्या अध्यायाचा अधिकृत शेवट झाला आहे. या निर्णयानंतर जगभरातून त्याच्यावर शुभेच्छांचा वर्षाव होत असताना, माजी कर्णधार विराट कोहलीची (Virat Kohli) खास पोस्ट सर्वांचे लक्ष वेधून घेत आहे.

“स्लिपमधील सर्वात विश्वासू क्षेत्ररक्षक अन्…”

अजिंक्य रहाणेच्या निवृत्तीवर विराटने कोहलीने सोशल मीडियावर शेअर केलेल्या पोस्टमध्ये लिहिले, “जिंक्स, एका शानदार कारकिर्दीसाठी खूप खूप अभिनंदन! तू भारतीय क्रिकेटसाठी अप्रतिम कामगिरी केलीस आणि तुला या प्रवासाचा सार्थ अभिमान असायला हवा. स्लिपमधील सर्वात विश्वासू क्षेत्ररक्षक आणि कसोटीतील माझा सर्वात आवडता टेस्ट बॅटिंग पार्टनर! तुला भावी आयुष्यासाठी खूप खूप शुभेच्छा.”

Jinks, congratulations on a great career, buddy. You’ve done wonders for Indian cricket, and you can be very proud of your journey. The safest pair of hands in the slips and my favourite Test batting partner. Wishing you well always. God bless. 🤝🇮🇳@ajinkyarahane88 pic.twitter.com/bHGaas41gO

— Virat Kohli (@imVkohli) July 30, 2026

विराट-अजिंक्यची ३,६६१ धावांची ऐतिहासिक भागीदारी –

विराटने रहाणेला आपला आवडता बॅटिंग पार्टनर का म्हटले, याचे उत्तर आकडेवारीतून स्पष्ट होते. कसोटी क्रिकेटमध्ये विराट आणि अजिंक्यने मिळून ६७ डावांमध्ये तब्बल ३,६६१ धावांची भागीदारी केली आहे. यात १० शतकीय आणि १७ अर्धशतकीय भागीदाऱ्यांचा समावेश आहे. या दोघांमध्ये ३६५ धावांची सर्वोच्च भागीदारी झाली होती. कसोटीत कोणत्याही भारतीय फलंदाजासोबत विराटची ही सर्वाधिक धावांची भागीदारी आहे. (यानंतर विराटने पुजारासोबत ३,५१३ धावा जोडल्या आहेत).

हेही वाचा – Ajinkya Rahane Retires : सचिन-विराटला जे कधीच जमलं नाही, ते लॉर्ड्सवर करुन दाखवणाऱ्या अजिंक्य रहाणेचा क्रिकेटला रामराम!

संघात कर्णधार आणि उपकर्णधार असताना या दोघांनी मिडल ऑर्डरची धुरा सांभाळत भारताला परदेशात अनेक ऐतिहासिक विजय मिळवून दिले होते.