Virat Kohli Instagram Account Updates : टीम इंडियाचा स्टार क्रिकेटपटू विराट कोहली हा नेहमी कोणत्या ना कोणत्या कारणाने चर्चेत असतो. आता तो पुन्हा एकदा चर्चेत आला असून त्याचे कारण इन्स्टाग्राम आहे. शुक्रवारी सकाळी विराट कोहलीचे अधिकृत इन्स्टा अकाऊंट अचानक गायब झाल्याने सोशल मीडियावर एकच खळबळ उडाली होती. २७ कोटींहून अधिक फॉलोअर्स असलेल्या विराटचे प्रोफाईल सर्चमध्ये येणे बंद झाल्याने चाहते हैराण झाले होते. मात्र, काही वेळाने त्याचे अकाऊंट पुन्हा पूर्ववत झाले आहे.

नेमकं काय घडलं?

शुक्रवारी सकाळी अनेक युजर्सनी तक्रार केली की विराट कोहलीचे इन्स्टाग्राम प्रोफाईल दिसत नाहीये. विराटचे अकाऊंट हॅक झाले की त्याने स्वतः ते डिएक्टिव्हेट केले, अशा चर्चांना उधाण आले होते. काहींनी तर त्याची पत्नी अनुष्का शर्माला सोशल मीडियावर टॅग करून “कोहली भैया कुठे गेले?” असे विचारण्यास सुरुवात केली.

अकाऊंट गायब होण्याची संभाव्य कारणे:

• इन्स्टाग्रामचा तांत्रिक बिघाड (Technical Glitch): अनेकदा इन्स्टाग्रामच्या सर्व्हरमध्ये बिघाड झाल्यामुळे काही प्रोफाईल्स तात्पुरती गायब होतात. हे सर्वात मोठे कारण असू शकते.
• सुरक्षा कारणास्तव ‘प्राईव्हसी’: जर इन्स्टाग्रामच्या सिस्टीमला एखाद्या अकाऊंटवर संशयास्पद हालचाली (उदा. अचानक खूप लाईक्स किंवा कमेंट्स) दिसल्या, तर ते अकाऊंट तात्पुरते हाईड केले जाऊ शकते. मात्र, विराटचे अकाऊंट व्हेरिफाईड असल्याने ही शक्यता कमी आहे.
• स्वतःहून डिसेबल करणे: कदाचित विराटने स्वतः काही वेळासाठी अकाऊंट डिसेबल केले असावे आणि पुन्हा लॉग-इन करून ते रिअॅक्टिव्हेट केले असावे.
• युजरनेम बदलणे: अनेकदा युजरनेम बदलल्यामुळे जुन्या नावाने अकाऊंट सर्चमध्ये येत नाही, पण विराटच्या बाबतीत असे घडलेले नाही.

हेही वाचा – RCB Reaches Final : ‘ई साला कप नम्दे’ची पुन्हा साद! आरसीबीची फायनलमध्ये धडक; ग्रेस हॅरिसच्या वादळापुढे दीप्तीची खेळी व्यर्थ

चाहत्यांना मिळाला दिलासा –

🚨 Update:
Virat Kohli’s account is back pic.twitter.com/NkMObIXEjY

— Nikhil (@iamnikhil67) January 30, 2026

विराट कोहली हा जगातील सर्वाधिक फॉलो केल्या जाणाऱ्या खेळाडूंपैकी एक आहे. त्याचे अकाऊंट काही मिनिटांसाठी गायब होणे ही देखील एक मोठी बातमी ठरली. आता त्याचे अकाऊंट पुन्हा दिसत असून चाहत्यांनी सुटकेचा निश्वास सोडला आहे. विराट सध्या त्याच्या कुटुंबासोबत लंडनमध्ये असून तो जुलैमध्ये होणाऱ्या इंग्लंड दौऱ्यातून मैदानावर पुनरागमन करणार आहे