ही तीन सामन्यांची मालिका 19 ऑक्टोबरपासून ऑस्ट्रेलियात सुरू होणार आहे. या दौऱ्यासाठी कोहली ऑस्ट्रेलियाला रवाना झाला असून, त्यापूर्वी त्याने गुरुग्राममधील आपल्या मालमत्तेची जनरल पॉवर ऑफ अटॉर्नी (GPA) आपला मोठा भाऊ विकास कोहलीच्या नावे केली आहे.

गुरुग्राममधील मालमत्तेची जीपीए भावाकडे केली सुपूर्द –

14 ऑक्टोबर रोजी विराट कोहली गुरुग्राममधील वझीराबाद तहसील कार्यालयात गेला होता. तिथे त्याने आपल्या मालमत्तेची जनरल पॉवर ऑफ अटॉर्नी अधिकृतपणे आपला भाऊ विकास कोहली याच्या नावे हस्तांतरित केली. ऑस्ट्रेलियाला रवाना होण्यापूर्वी कोहलीने या कामासाठी विशेष वेळ काढला आणि तहसील कार्यालयात जाऊन आवश्यक कागदपत्रांवर स्वाक्षऱ्या केल्या. यावेळी तहसील कर्मचाऱ्यांनी त्याच्यासोबत फोटो काढले, तसेच कोहलीने त्यांना स्वाक्षरी (ऑटोग्राफ) देऊन त्यांचे मन जिंकले.

हेही वाचा – IND vs AUS : विराट-रोहित यांच्याकडे मोठी संधी! ऑस्ट्रेलियन जोडीला मागे टाकण्यासाठी फक्त ‘इतक्या’ धावांची गरज

सूत्रांनुसार, कोहली आणि त्याचे कुटुंब अलीकडेच इंग्लंडला स्थायिक झाले आहे. यामुळे त्याने आपल्या मालमत्तेशी संबंधित अधिकार आपला भाऊ विकास कोहली याच्याकडे सोपवण्याचा निर्णय घेतला. या कायदेशीर परवानगीद्वारे, विकास कोहली आता विराटच्या वतीने मालमत्तेचे व्यवस्थापन आणि संबंधित बाबींची देखरेख करू शकणार आहे.

जनरल पॉवर ऑफ अटॉर्नी म्हणजे काय?

जनरल पॉवर ऑफ अटॉर्नी हा एक कायदेशीर दस्तऐवज आहे, जो एखाद्या व्यक्तीला दुसऱ्या व्यक्तीला त्याच्या वतीने कायदेशीर किंवा आर्थिक बाबी हाताळण्याचा अधिकार देतो. यामध्ये मालमत्तेचे व्यवस्थापन, करारांवर स्वाक्षरी करणे किंवा आर्थिक व्यवहार करणे यांचा समावेश आहे.

हेही वाचा –  IND vs AUS : ‘जर कोणाच्या बापात दम असेल, तर रोखून दाखवा…’, रोहित-विराटच्या भविष्याबाबत माजी खेळाडूच थेट आव्हान

ऑस्ट्रेलिया दौऱ्याची तयारी –

विराट कोहली सध्या ऑस्ट्रेलियात पोहोचला असून, 19 ऑक्टोबरपासून सुरू होणाऱ्या एकदिवसीय मालिकेत तो भारतीय संघाचे नेतृत्व करेल. क्रिकेटप्रेमी या मालिकेकडे उत्साहाने पाहत असून, किंग कोहली पुन्हा एकदा मैदानावर आपली जादू दाखवण्यास सज्ज आहे.