Weather Alert : महाराष्ट्रात पावसाचा ‘कमबॅक’! सोमवारी वादळी वाऱ्यासह बरसणार; ‘या’ ९ जिल्ह्यांना यलो अलर्ट
Weather Alert : गेल्या काही दिवसांपासून विश्रांती घेतलेल्या पावसाने राज्यात पुन्हा एकदा पुनरागमन करण्याची चिन्हे आहेत.
Weather Alert : गेल्या काही दिवसांपासून राज्यात पावसाने उघडीप घेतली होती. मात्र, आता पुन्हा एकदा काही भागांत पावसासाठी पोषक वातावरण तयार झालं आहे. २३ ऑगस्टपासून राज्यातील तुरळक भागात पावसाची शक्यता असून, २४ ऑगस्ट रोजी अनेक जिल्ह्यांत पाऊस होण्याचा अंदाज हवामान विभागाने व्यक्त केला आहे. (Weather Alert)
हवामान विभागाच्या अंदाजानुसार, कोकण, मध्य महाराष्ट्र, मराठवाडा आणि विदर्भातील काही भागांत हलका ते मध्यम पाऊस पडण्याची शक्यता आहे. काही जिल्ह्यांना वादळी वाऱ्यासह पावसाचा यलो अलर्ट देण्यात आला आहे. (Weather Alert)
मुंबईसह कोकणात पावसाची शक्यता
पालघरमध्ये हलका, तर मुंबई आणि ठाण्यात हलका ते मध्यम पाऊस पडण्याचा अंदाज आहे. रायगडमध्येही हलका ते मध्यम पाऊस होऊ शकतो. रत्नागिरी आणि सिंधुदुर्गमध्ये मध्यम स्वरूपाच्या सरींची शक्यता आहे. (Weather Alert)
उत्तर महाराष्ट्रात मेघगर्जनेसह पाऊस
धुळे, नंदुरबार, जळगाव आणि नाशिक जिल्ह्यांत मेघगर्जनेसह हलका ते मध्यम पाऊस होण्याची शक्यता आहे. अहिल्यानगरमध्येही काही भागांत पावसाच्या सरी पडण्याचा अंदाज आहे. या भागासाठी सध्या कोणताही अलर्ट जारी करण्यात आलेला नाही. (Weather Alert)
पुणे-साताऱ्याच्या घाटमाथ्यावर मुसळधार सरी
पुणे, कोल्हापूर, सातारा, सांगली आणि सोलापूर जिल्ह्यांत हलक्या पावसाची शक्यता आहे. मात्र, पुणे आणि सातारा घाटमाथ्यावर तुरळक ठिकाणी मुसळधार पाऊस पडण्याची शक्यता असल्याने यलो अलर्ट जारी करण्यात आला आहे. (Weather Alert)
मराठवाड्यात वादळी पावसाचा इशारा
छत्रपती संभाजीनगर, जालना, बीड, धाराशिव आणि लातूरमध्ये हलका ते मध्यम पाऊस होण्याचा अंदाज आहे. तर परभणी, हिंगोली आणि नांदेडमध्ये विजांच्या कडकडाटासह वादळी पाऊस पडण्याची शक्यता आहे. या भागात ताशी ३० ते ४० किलोमीटर वेगाने वारे वाहू शकतात. (Weather Alert)
विदर्भातील ‘या’ जिल्ह्यांना यलो अलर्ट
अकोला, अमरावती, बुलढाणा, नागपूर, वर्धा, वाशिम आणि यवतमाळमध्ये पावसाची शक्यता कमी आहे. मात्र भंडारा, चंद्रपूर, गडचिरोली आणि गोंदिया येथे विजांच्या कडकडाटासह वादळी वाऱ्यांसह पावसाचा अंदाज आहे. त्यामुळे या जिल्ह्यांना यलो अलर्ट देण्यात आला आहे. (Weather Alert)
एकूणच, काही दिवसांच्या विश्रांतीनंतर राज्यात पुन्हा पावसाची हालचाल वाढण्याची शक्यता असून, वादळी वाऱ्यासह पाऊस होण्याचा अंदाज असल्याने नागरिकांनी आणि शेतकऱ्यांनी खबरदारी घेण्याचं आवाहन करण्यात आलं आहे. (Weather Alert)
