Vijay Hazare Trophy 2024/25 :- भारताचा वेगवान गोलंदाज मोहम्मद शमीचा विजय हजारे ट्रॉफीसाठी बंगालच्या संघात समावेश करण्यात आला आहे. त्याचवेळी शमीच्या बॉर्डर गावस्कर ट्रॉफीसाठी (बीजीटी) ऑस्ट्रेलियाला जाण्याबाबत अनिश्चितता आहे.
21 डिसेंबरपासून विजय हजारे ट्रॉफीला सुरुवात होणार आहे.

बंगाल संघाचा कर्णधार सुदीप कुमार घरामी असेल. सय्यद मुश्ताक अली ट्रॉफीमध्येही त्याने कर्णधारपद भूषवले होते. बंगाल 21 डिसेंबरला दिल्लीविरुद्ध हैदराबादमध्ये आपल्या मोहिमेला सुरुवात करेल.

गेल्या वर्षी एकदिवसीय विश्वकरंडकादरम्यान शमीला दुखापत झाली होती आणि रणजी ट्रॉफीमध्ये जवळपास वर्षभरानंतर तो मैदानात परतला होता. पुनरागमन करताना त्याने मध्य प्रदेशविरुद्ध पहिल्या डावात चार आणि दुसऱ्या डावात तीन बळी घेतले. या सामन्यानंतर शमीलाही बॉर्डर गावस्कर ट्रॉफीसाठी ऑस्ट्रेलियात बोलावले जाईल अशी आशा होती पण तसे झाले नाही. यानंतर त्याने सय्यद मुश्ताक अली ट्रॉफीमध्ये 9 सामन्यात 11 विकेट घेतल्या होत्या.

SMAT 2024 (Final) : सूर्यांश-सूर्याची दमदार कामगिरी, मुंबईने MP चा पराभव करत पटकावलं विजेतेपद…

बंगाल संघ : सुदीप कुमार घरामी (कर्णधार), मोहम्मद शमी, अनुस्तुप मजुमदार, अभिषेक पोरेल (यष्टीरक्षक), सुदीप चॅटर्जी, करण लाल, शाकीर हबीब गांधी (यष्टीरक्षक), सुमंत गुप्ता, सुभम चॅटर्जी, रणज्योतसिंग खैरा, प्रदीपता प्रामाणिक, कौशिक सिंग, कौशिक सिंग. (वरिष्ठ), मुकेश कुमार, सक्षम चौधरी, रोहित कुमार, एमडी कैफ, सूरज सिंधू जैस्वाल, सायन घोष आणि कनिष्क सेठ.