BJP Leader : भारतीय जनता पक्षाचे संग्रामपूरचे माजी जिल्हाध्यक्ष आणि राष्ट्रीय स्वयंसेवक संघाचे समर्पित स्वयंसेवक श्याम बहादूर सिंह गौतम यांचे वयाच्या ९२व्या वर्षी निधन झाले. त्यांच्या निधनाची बातमी समोर येताच भाजप कार्यकर्ते आणि परिसरातील नागरिकांमध्ये शोककळा पसरली. (BJP Leader)

श्याम बहादूर सिंह गौतम यांनी आपल्या पैतृक गावी अखेरचा श्वास घेतला. ते भवसिंहपूर गावचे माजी सरपंचही होते. सामाजिक कार्यासोबतच भाजप आणि राष्ट्रीय स्वयंसेवक संघाच्या संघटनात्मक कामात त्यांनी अनेक वर्षे सक्रिय सहभाग घेतला. पक्ष आणि संघटनेप्रती असलेली त्यांची निष्ठा आणि योगदानामुळे परिसरात त्यांना विशेष मान होता. (BJP Leader)

निधनाची माहिती मिळताच भाजप जिल्हाध्यक्ष सुधांशु शुक्ला यांनी त्यांच्या निवासस्थानी जाऊन कुटुंबीयांची भेट घेतली आणि सांत्वन केले. यावेळी त्यांनी गौतम यांच्या सामाजिक आणि संघटनात्मक कार्याचे स्मरण करत श्रद्धांजली वाहिली. (BJP Leader)

‘निष्ठावान कार्यकर्ता गमावला’

सुधांशु शुक्ला यांनी श्याम बहादूर सिंह गौतम यांच्या निधनाबद्दल दुःख व्यक्त केले. साधे व्यक्तिमत्त्व, संघटनेप्रती निष्ठा आणि समाजसेवेची बांधिलकी हे त्यांचे वैशिष्ट्य होते. त्यांनी आयुष्यभर समाज आणि संघटनेसाठी समर्पित भावनेने काम केले. त्यांच्या निधनाने भाजपने एक निष्ठावान कार्यकर्ता, तर समाजाने समर्पित व्यक्तिमत्त्व गमावले असल्याचे शुक्ला यांनी म्हटले. गौतम यांच्या निधनामुळे भाजप कार्यकर्ते, RSS स्वयंसेवक आणि परिसरातील नागरिकांकडून हळहळ व्यक्त होत आहे. (BJP Leader)

BJP Leader Resign : भाजपमध्ये मोठा भूकंप! राष्ट्रीय प्रवक्ते शहजाद पूनावालांचा राजीनामा; ‘या’ 2 कारणांनी राजकीय वर्तुळात खळबळ

BJP Leader : भाजपच्या ज्येष्ठ नेत्याचं निधन; शाळांना सुट्टी जाहीर, राजकारणात शोककळा