BJP Leader : भाजपचे माजी जिल्हाध्यक्ष आणि माजी जिल्हा पंचायत अध्यक्ष तसेच फूल सिंह शिक्षा निकेतन इंटर कॉलेज, नियामतपूरचे व्यवस्थापक वीरेंद्र पाल सिंह यादव यांचे निधन झाले. त्यांच्या निधनामुळे राजकीय, सामाजिक आणि शैक्षणिक क्षेत्रात शोककळा पसरली आहे. (BJP Leader)

वीरेंद्र पाल सिंह यादव हे परिसरातील लोकप्रिय आणि ज्येष्ठ नेते म्हणून परिचित होते. त्यांच्या निधनाबद्दल एमए पब्लिक स्कूल मुडिया मोड, ग्लोरियस मायनॉरिटी पब्लिक स्कूल आणि लिटिल स्कॉलर कॉन्व्हेंट स्कूलचे व्यवस्थापक मोहम्मद आसिफ अली मंसूरी यांनी दुःख व्यक्त केले. यादव यांच्या निधनामुळे सामाजिक आणि शैक्षणिक क्षेत्राची मोठी हानी झाल्याचे त्यांनी म्हटले. (BJP Leader)

निधनानंतर शाळांना सुट्टी

वीरेंद्र पाल सिंह यादव यांच्या निधनाची माहिती मिळाल्यानंतर संबंधित शाळा व्यवस्थापनाने बुधवारी सर्व शाळांना सुट्टी जाहीर केली. तसेच शिक्षकांची शोकसभा घेऊन दिवंगत नेत्याला श्रद्धांजली अर्पण करण्यात आली. (BJP Leader)

एमए पब्लिक स्कूलमध्ये नियोजित असलेला ‘सिंबल ऑफ एक्सलन्स लायब्ररी’च्या उद्घाटनाचा कार्यक्रमही यादव यांच्या निधनामुळे रद्द करण्यात आला. या कार्यक्रमाची नवीन तारीख नंतर जाहीर करण्यात येणार आहे. (BJP Leader)

शाळांमध्ये दोन मिनिटे मौन

राम बहादूर त्रिपाठी ज्युनिअर हायस्कूल, लालपूर येथे विद्यार्थी आणि शिक्षकांनी दोन मिनिटे मौन पाळून वीरेंद्र पाल सिंह यादव यांना श्रद्धांजली वाहिली. त्यांच्या निधनामुळे शिक्षण आणि सामाजिक क्षेत्राची अपूरणीय हानी झाल्याचे शाळा परिवाराकडून सांगण्यात आले. (BJP Leader)

शोकसभेला जीएम पब्लिक स्कूलच्या मुख्याध्यापिका इरम मंसूरी, सहायक व्यवस्थापक अब्दुल रहमान खान, लायब्ररी प्रभारी कृष्ण पाल यांच्यासह शिक्षक आणि कर्मचारी मोठ्या संख्येने उपस्थित होते. यादव यांच्या निधनाने परिसरात हळहळ व्यक्त होत असून, विविध स्तरातून त्यांना श्रद्धांजली अर्पण केली जात आहे. (BJP Leader)

BJP Leader : भाजपच्या दिग्गज नेत्याचा भीषण अपघातात मृत्यू; आमदार-खासदारांचे सर्व दौरे रद्द; राजकीय वर्तुळात शोककळा

BJP-congress: झारखंडमधील लाठीचार्जने भाजपला संसदेत नवसंजीवनी ; सत्ताधारी अन् विरोधी खासदारांची जुगलबंदी