Amethi Congress Office| उत्तर प्रदेशातील अमेठी येथील काँग्रेस कार्यालयाबाहेर काही लोकांकडून तोडफोड करण्यात आली आहे. तोडफोड केल्यानंतर हल्लेखोर घटनास्थळावरून पळून गेले. यानंतर काँग्रेस कार्यकर्त्यांनी रस्त्यावर निदर्शने करून या गुंडगिरीचा निषेध केला. याप्रकरणी सध्या पोलिसांनी अज्ञातांविरुद्ध गुन्हा दाखल केला आहे. भाजप कार्यकर्त्यांनी ही घटना घडवून आणल्याचा आरोप काँग्रेस कार्यकर्त्यांनी केला आहे.

नेमकं काय घडलं?  

मिळालेल्या माहितीनुसार, हे संपूर्ण प्रकरण अमेठीतील गौरीगंज पोलीस ठाण्याच्या हद्दीतील केंद्रीय काँग्रेस कार्यालयाशी संबंधित आहे. येथील कार्यालयाबाहेर अनेक वाहने उभी होती. अचानक काही जण मद्यधुंद अवस्थेत घटनास्थळी पोहोचले आणि त्यांनी वाहनांची तोडफोड करण्यास सुरुवात केली.

कार्यालयात उपस्थित असलेल्या काँग्रेस कार्यकर्त्यांना बाहेर तोडफोडीचा आवाज आल्याने त्यांनी बाहेर धाव घेतली. तोपर्यंत हल्लेखोरांनी सुमारे 6-7 वाहनांच्या काचा फोडल्या होत्या. यानंतर काँग्रेस कार्यकर्त्यांनी गुंडांचा पाठलाग केला. यानंतर सर्व हल्लेखोरांनी घटनास्थळावरून तात्काळ पळ काढला. या घटनेनंतर तमाम काँग्रेसजनांमध्ये संतापाचे वातावरण आहे. काँग्रेस कार्यकर्त्यांनी कार्यालयाबाहेर अशा तोडफोडीचा जोरदार निषेध केला.

हार के डर से बौखलाई भाजपा

अमेठी में प्रशासन की मौजूदगी में भाजपाइयों ने जिला कार्यालय के बाहर खड़ी दर्जनों गाड़ियों में तोड़फोड़ की।

जिला अध्यक्ष प्रदीप सिंघल जी कार्यालय में ही मौजूद थे। उन्होंने कांग्रेसजनों के साथ उपद्रवियों को वहां से भगाया लेकिन पुलिस हर बार की तरह तमाशबीन… pic.twitter.com/xB0UvMV3kU

— UP Congress (@INCUttarPradesh) May 5, 2024

पराजयाच्या भीतीने भाजप घाबरले

ही घटना यूपी काँग्रेसच्या ट्विटर हँडलवर ट्विट करण्यात आली आहे. पराजयाच्या भीतीने भाजप हवालदिल झाला आहे. तोडफोड झाली तेव्हा जिल्हाध्यक्ष प्रदीप सिंघल काँग्रेस कार्यालयात उपस्थित होते. त्याचवेळी वाहनांची तोडफोड करण्यात आली. काँग्रेसने आपल्या पोस्टमध्ये पोलीस प्रशासनावर कारवाई होत नसल्याचा आरोपही केला आहे. शेवटी काँग्रेस पक्ष आणि राहुल गांधींचा ‘बब्बर शेर’ कोणालाही घाबरत नाही, असेही लिहिले आहे. याप्रकरणी पोलिस तोडफोड करणाऱ्यांचा शोध घेत आहेत. तसेच गैरप्रकार करणाऱ्यांची ओळख पटल्यानंतर योग्य ती कारवाई केली जाणार असल्याचेही आश्वासन देण्यात आले आहे.

हेही वाचा: 

रोहित पवारांना अश्रू अनावर; अजित पवारांनी नक्कल करत म्हंटले ‘रडीचा डाव…’