Rohit PawarPost :गेल्या काही महिन्यांपूर्वी पुण्यातील वैष्णवी हगवणे प्रकरणामुळे राज्यात मोठी खळबळ उडाली होती. या प्रकरणानंतर सासरचा जाच असह्य झाल्याने पुण्यातील एका विवाहितेने आत्महत्या केल्याची धक्कादायक घटना घडली आहे. स्नेहा झेंगडे असे आत्महत्या केलेल्या विवाहितेचे नाव आहे. या प्रकरणावर आता राष्ट्रवादी काँग्रेस शरद पवार पक्षाचे आमदार रोहित पवार यांनी पोस्ट केली आहे.

ही अत्यंत दुःखद आणि वेदनादायी घटना आहे. याप्रकरणी सासरच्या लोकांविरोधात गुन्हा दाखल झाला असून त्यांना अटकही होईल पण यामुळं स्नेहाचा गेलेला जीव परत येणार आहे का? हा प्रश्न मनाला सतावतो, असं रोहित पवार यांनी म्हटलं आहे. वैष्णवी हगवणेच्या मृत्यूचं प्रकरण ताजं असतानाच पुण्यात आणखी एक घटना समोर आली आहे. त्यामुळे या प्रकरणातून आपण काहीच धडा घेतला नाही का? असा प्रश्न रोहित पवार यांनी पोस्टमधून उपस्थित केला आहे. त्यांनी एक्स माध्यमावरून पोस्ट लिहिली आहे.

रोहित पवारांची पोस्ट

पैशांसाठी वैष्णवी हगवणे या विवाहितेचा बळी गेल्याची घटना ताजी असतानाच माहेराहून २० लाख रुपये आणण्याच्या सासरच्या मागणीला कंटाळून पुण्यात आंबेगाव बु. इथं स्नेहा विशाल झेंडगे (वय २७) या विवाहितेने आत्महत्या केल्याची अत्यंत दुःखद आणि वेदनादायी घटना घडली.

याप्रकरणी सासरच्या लोकांविरोधात गुन्हा दाखल झाला असून त्यांना अटकही होईल पण यामुळं स्नेहाचा गेलेला जीव परत येणार आहे का? हा प्रश्न मनाला सतावतो. वैष्णवी हगवणे प्रकरणातून समाजाने कोणताही धडा घेतलेला दिसत नसल्याचंच यातून दिसून येतं. लग्नानंतर अवघ्या दीड वर्षात विवाहितेला जीव गमवावा लागत असेल तर या घटनेला कारणीभूत असलेल्या प्रत्येकाला कठोर शिक्षा झाली पाहिजे. स्नेहा झेंडगे हिला भावपूर्ण श्रद्धांजली!

पैशांसाठी वैष्णवी हगवणे या विवाहितेचा बळी गेल्याची घटना ताजी असतानाच माहेराहून २० लाख रुपये आणण्याच्या सासरच्या मागणीला कंटाळून पुण्यात आंबेगाव बु. इथं स्नेहा विशाल झेंडगे (वय २७) या विवाहितेने आत्महत्या केल्याची अत्यंत दुःखद आणि वेदनादायी घटना घडली. याप्रकरणी सासरच्या… pic.twitter.com/dhGI08ZPIR

— Rohit Pawar (@RRPSpeaks) August 10, 2025

नेमकं प्रकरण काय?

सासरचा जाच असह्य झाल्याने पुण्यातील आंबेगाव पठार परिसरात राहत्या घरी स्नेहा झेंगडे या विवाहितेने आत्महत्या केली आहे.  ९ अॅागस्ट रोजी रात्री अकराच्या सुमारास ही घटना घडली आहे, असं स्नेहाचे वडील कैलास सावंत यांनी दिलेल्या फिर्यादीत म्हटलं आहे. त्यानुसार पोलिसांनी गुन्हा दाखल केला असून या प्रकरणचा पुढील तपास भारती विद्यापीठ पोलीस करत आहेत. स्नेहाचे वडील कैलास सावंत यांनी झेंडगे कुटुंबावर गंभीर आरोप केले आहेत. स्नेहाच्या वडिलांनी तिचा नवरा विशाल याला मागणीप्रमाणे शेतजमीन घेण्यासाठी पाच लाख रुपये दिले, असं म्हटलं आहे.

कैलास सावंत यांचा गंभीर आरोप

आम्ही झेंडगे कुटुंबीयांच्या मागणीप्रमाणे मुलीचे लग्न लावून दिले. लग्नानंतर काही महिने झेंडगे कुटुंबीय मोहोळला राहत होते, नंतर ते पुण्यात राहायला आले. आम्ही स्नेहाचा नवरा विशाल याच्या मागणीप्रमाणे शेतजमीन घेण्यासाठी त्यांना पाच लाख रुपये दिले. झेंडगे कुटुंबीय पुण्यात कुठे राहायला आले आहेत, हे त्यांनी आम्हाला सांगितले नव्हते, असा आरोप सावंत यांनी झेंगडे कुटुंबीयावर केला आहे. झेंडगे यांची वेळू येथे कंपनी आहे. स्नेहाचे भाऊ कंपनीत गेले होते, त्यावेळी त्यांना हाकलून देण्यात आलं, असा आरोपही कैलास सावंत यांनी केला आहे.

हेही वाचा : मोठा अनर्थ टळला ! एअर इंडियाचे विमान अपघातातून थोडक्यात बचावले ; अनेक खासदार करत होते प्रवास