Vaibhav Suryavanshi Record : आयसीसी अंडर-१९ वर्ल्ड कप २०२६ मध्ये भारतीय युवा फलंदाज वैभव सूर्यवंशीने आपल्या बॅटने मोठी खळबळ माजवली आहे. बांगलादेशविरुद्धच्या महत्त्वाच्या सामन्यात वैभवने मैदानावर उतरताच अनेक मोठे विक्रम मोडीत काढले. त्याने केवळ आपल्या कारकिर्दीतील १००० धावांचा टप्पा ओलांडला नाही, तर भारताचा महान फलंदाज विराट कोहलीलाही एका खास यादीत मागे टाकले आहे. त्याचबरोबर एक वर्ल्ड रेकॉर्ड केला आहे.

विराट कोहलीचा मोडला विक्रम –

यूथ वनडे क्रिकेटमध्ये सर्वाधिक धावा करण्याच्या बाबतीत वैभवने आता विराट कोहलीला मागे टाकले आहे. विराट कोहलीने आपल्या यूथ वनडे कारकिर्दीत २५ डावांत ४६.५७ च्या सरासरीने ९७८ धावा केल्या होत्या. वैभवने मात्र अवघ्या २० डावांत ५० हून अधिकच्या सरासरीने विराटचा हा विक्रम मोडला असून, त्याने १००० धावांचा टप्पा पार केला आहे.

वैभव सूर्यवंशीने केला वर्ल्ड रेकॉर्ड –

🚨 A 30 BALLS FIFTY BY VAIBHAV SURYAVANSHI IN U19 WORLD CUP 🚨

– 14 Years old Vaibhav Suryavanshi smashed a destructive fifty in just 30 balls against Bangladesh. 🥶 pic.twitter.com/bcpoljGH8G

— Tanuj (@ImTanujSingh) January 17, 2026

यासह वैभवने अवघ्या ३० चेंडूत पाच चौकार आणि तीन षटकारांसह अर्धशतक पूर्ण केले, जे या विश्वचषकातील सर्वात जलद अर्धशतक आहे. इतकेच नाही तर तो १९ वर्षांखालील विश्वचषक इतिहासात अर्धशतक करणारा सर्वात तरुण फलंदाजही ठरला. त्याने केवळ १४ वर्षे आणि २९६ दिवसांच्या वयात ही कामगिरी केली आणि अफगाणिस्तानच्या शाहिदुल्लाह कमाल (१५ वर्षे, १९ दिवस) याच्या नावावर असलेला विक्रम मोडला.

हेही वाचा – RCB W vs GG W : आरसीबीने साधली विजयाची हॅट्ट्रिक! गुजरातचा धुव्वा उडवत ठरला नंबर-१; श्रेयंका-राधा ठरल्या गेमचेंजर

शुबमन गिल आणि उनमुक्त चंदच्या क्लबमध्ये एन्ट्री –

यूथ वनडेमध्ये सर्वात जलद १००० धावा पूर्ण करणारा वैभव हा तिसरा भारतीय ठरला आहे. या यादीत त्याने दिग्गज खेळाडूंना मागे टाकले आहे:

• शुबमन गिल: १३ डाव (सर्वात वेगवान)
• उनमुक्त चंद: १७ डाव
• वैभव सूर्यवंशी: २० डाव

तसेच, यूथ वनडेमध्ये १००० धावा पूर्ण करणारा वैभव हा भारताचा सातवा खेळाडू ठरला आहे.

यूथ वनडेमध्ये भारतासाठी सर्वाधिक धावा करणारे खेळाडू:

• विजय झोल – १४०४ धावा
• यशस्वी जैस्वाल – १३८६ धावा
• तन्मय श्रीवास्तव – १३१६ धावा
• उनमुक्त चंद – ११४९ धावा
• शुबमन गिल – ११४९ धावा
• सर्फराझ खान – १०८० धावा
• वैभव सूर्यवंशी – १०२६ धावा*

हेही वाचा – Shivani Singh Catch : WPL मध्ये ‘सुपरवूमन’ची एन्ट्री! पदार्पणातच शिवानी सिंगचा थक्क करणारा कॅच, पाहा VIDEO

टीम इंडियाची खराब सुरुवात –

बुलवायोच्या मैदानावर बांगलादेशने टॉस जिंकून भारताला प्रथम फलंदाजीचे आमंत्रण दिले. वैभवने विक्रम रचला असला, तरी दुसऱ्या टोकाकडून भारताची सुरुवात खराब झाली. कर्णधार आयुष म्हात्रे (६ धावा), वेदांत त्रिवेदी (०) आणि विहान मल्होत्रा (७) स्वस्तात माघारी परतले. वैभव सूर्यवंशीने ६७ चेंडूत ६ चौकार आणि ३ षटकारांच्या मदतीने ७२ धावांची खेळी साकारली. भारताला सुपर सिक्समध्ये स्थान मिळवण्यासाठी हा सामना जिंकणे अत्यंत आवश्यक आहे.