US-Iran War : तेलाच्या किंमती वाढत असल्यामुळे हॉर्मूझची सामुद्रधुनी खुली करण्यासाठी ट्रम्प यांच्यावर आता आंतरराष्ट्रीय पातळीवरून तसेच अमेरिकेतूनही मोठा दबाव येऊ लागला आहे. इराणने जर हॉर्मूझची सामुद्रधुनी ४८ तासात पुर्णपणे खुली न केल्यास इराणचे उर्जा प्रकल्प नष्ट करण्याचीधमकी अमेरिकेचे अध्यक्ष डोनाल्ड ट्रम्प यांनी दिली आहे. मात्र अशा प्रकारे इराणच्या उर्जा प्रकल्पांवर कोणताही हल्ला झाल्यास अमेरिका आणि इस्रायलमधील उर्जा प्रकल्प आणि पायाभूत सुविधांवर हल्ले करून त्याला प्रत्युत्तर दिले जाईल, असे इराणने म्हटले आहे. ट्रम्प यांनी नवीन हल्ले अधिक घातक असतील, असे म्हटले आहे. त्यांचा रोख इराणच्या बुशहरआण्विक प्रकल्प नष्ट करण्याकडे असावा, असा अंदाज व्यक्त होतो आहे. या प्रकल्पावर यापुर्वी गेल्याच आठवड्यात हल्ला झाला होता. याशिवाय राजधानी तेहरान जवळच्या दमावांद या नैसर्गिक वायू प्रकल्पाला लक्ष्य करण्याचा त्यांचा इरादा असावा. दरम्यान शनिवारी उशीरा इराणने इस्रायलच्या दक्षिणेकडील दोन वसाहतींवर क्षेपणास्त्रांचा मारा केले. त्यामध्ये इमारती उद्ध्वस्त झाल्या आणि ;झनभर जखमी झाले आहेत. हे दोन्ही हल्ले इस्रायलच्या मुख्य आण्विक संशोधन केंद्रापासून जवळच झाले आहेत. चौथा आठवडा सुरू होत असताना हे युद्ध अधिक धोकादायक दिशेने सरकत असल्याच्या हे निदर्शक आहे. या युद्धामध्ये इराणमध्ये आतापर्यंत १,५०० पेक्षा जास्त लोक ठार झाले असून लेबनॉनमध्ये एक हजारांपेक्षा जास्त, इस्रायलमध्ये १५ आणि अमेरिकेच्या लष्कराचे १३ सैनिक मारले गेले आहेत. याशिवाय आखाती प्रदेशात जमिनीवर तसेच समुद्रात अनेक सामान्य नागरिकही मारले गेले आहेत. लेबनॉन आणि इराणमध्ये लक्षावधी लोक विस्थापित झाले आहेत. हल्ल्यात इराणमधीलरुग्णालयाचे मोठे नुकसान इराणच्या दक्षिणेकडील अंदिमेश्क शहरातील अली रुग्णालयावर शनिवारी झालेल्या हवाई हल्ल्यात या रुग्णालयाचे मोठे नुकसान झाले आहे. तेथील रुग्णांना तेथून बाहेर काढण्याचे काम सुरू असल्याचे आरोग्य मंत्रालयाच्या प्रवक्त्याने सांगितले. अंदिमेश्क शहरातील हे एकमेव रुग्णालय असून रुग्णांना तेथून दुसऱ्या शहरात हलवले जात असल्याने रुग्णांचे मोठे हाल होत असल्याचेही प्रवक्त्याने म्हटले आहे. हवाई हल्ल्यामुळे रुग्णालयाच्या एका वॉर्डच्या छताचा काही भाग कोसळला असल्याचे फोटोही या प्रवक्त्याने सोशल मीडियावर पोस्ट केले आहेत. इराणकडून इस्रायलवर नव्याने क्षेपणास्त्र हल्ला इस्रायलच्या दक्षिणेकडील अराद शहरावर इराणने रात्रीच्यावेळी डागलेल्या क्षेपणास्६ंमुळे डझनभर लोक जखमी झाले आहेत, असे इस्रायलचे सुरक्षा मंत्री इतमार बेन-गविर यांनी म्हटले आहे. आपला देश इराणविरोधात ऐतिहासिक युद्ध करत असून अंतिम विजय मिळेपर्यंत इस्रायलला हे युद्ध करावेच लागेल, असेही त्यांनी म्हटले आहे. श्रीलंकेतही इंधनाचे भाव वाढले तेलाची वाहतूक खोळंबल्यामुळे श्रीलंका सरकारनेही इंधनाच्या किंमतींमध्ये २५ टक्क्यांनी वाढ केली आहे. अलिकडच्या काळात धास्तीमुळे लोकांनी अतिरिक्त खरेदी केल्यामुळे देशातील इंधनाचे साठे झपाट्याने कमी झाल्याचेही सरकारने म्हटले आहे. श्रीलंकेत दोन आठवड्यात दुसऱ्यांदा इंधनाच्याकिंमतींमध्ये वाढ केली गेली आहे. युद्ध सुरू झाल्यापासून इंधनाच्या किंमतींमध्ये एक ततृतीयांश वाढ झाली आहे. आता श्रीलंकेत इंधनाचा वापर काटकसरीने करण्यासाठी रेशनिंग केले गेले आहे. शाळा, विद्यापिठे आणि सरकारी कार्यालये सर्व बुधवारी बंद ठेवण्याचा निर्णय घेतला गेला आहे. सौदीने इराणी क्षेपणास्त्रे, ड्रोन पाडली सौदीतील हवाई संरक्षण प्रणालीने राजधानी रियाधच्या दिशेने जाणारे एक बॅलिस्टिक क्षेपणास्त्र पाडले. तर दोन क्षेपणास्त्रे निर्जन ठिकाणी पडली, असे सौदीच्या संरक्षण मंत्रालयाने सांगितले. याशिवाय इराणच्या सीमेजवळ सौदीच्या पूर्वेकडील दाट लोकवस्ती आणि प्रमुख तेल प्रकल्प असलेल्या भागाच्या दिशेने जाणारी एकूण ६ ड्रोन पाडण्यात आली. या हल्ल्यादरम्यान कोणतीही जीवितहानी झाली नाही, युएईमध्येही किनारपट्टीजवळ प्रोजेक्टाईच्या माऱ्यामुळे एका मालवाहू जहाजावर स्फोट झाले, असे ब्रिटीश लष्कराच्या युनायटेड किंगडम मेरिटाईम ट्रेड ऑपरेशन्स सेंटरने म्हटले आहे. युएईमधील शारजा शहराच्या उत्तरेला १५ सागरी मैल अंतरावर हा हल्ला झाला होता. शत्रूशिवाय इतरांसाठी सामुद्रधुनी खुली शत्रूशुवाय इतर सर्वांसाठी हॉर्मूझची सामुद्रधुनी वाहतुकीसाठी खुली असल्याचे आंतरराष्ट्रीय सागरी संघटनेतील इराणचे स्थायी प्रतिनिधी सय्यद अली मौसवी यांनी म्हटले आहे. याचाच अर्थ कोणत्या देशाच्या जहाजांना जाऊ द्यायचे हे इराणने आगोदरच निश्चित केले असावे. इराणने यापुर्वीच चीन आणि आशिया खंडात जाणाऱ्या जहाजांना या मार्गाने जाण्याची परवानगी दिली आहे.
