US Open 2026 Prize Money Hike 108 Million Dollars ingles Champion 52 Crore : ग्रँड स्लॅम स्पर्धांमधील बक्षीस रक्कम वाढवण्याची टेनिसपटूंची दीर्घकाळापासूनची मागणी अखेर पूर्ण झाली आहे. वर्षातील अखेरची ग्रँड स्लॅम स्पर्धा असलेल्या यूएस ओपन २०२६ (US Open 2026) च्या बक्षीस रकमेत (Prize Money) तब्बल २० टक्क्यांची घसघशीत वाढ करण्यात आली आहे. युनायटेड स्टेट्स टेनिस असोसिएशनने (USTA) जाहीर केल्यानुसार, स्पर्धेची एकूण बक्षीस रक्कम आता ९० दशलक्ष डॉलर्सवरून थेट १०८ दशलक्ष डॉलर्स (सुमारे १,०३४ कोटी रुपये) इतकी विक्रमी झाली आहे.

विजेत्याला ५२ कोटींहून अधिक, पहिल्या फेरीत बाद होणाराही मालामाल!

महिला आणि पुरुष एकेरीच्या विजेत्यांना यंदा प्रत्येकी ५.५ दशलक्ष डॉलर्स म्हणजेच सुमारे ५२.६५ कोटी रुपये मिळतील, जे गेल्या वर्षी ५ दशलक्ष डॉलर्स होते. अंतिम फेरीत पराभूत होणाऱ्या उपविजेत्याला २६.८० कोटी रुपये दिले जातील. याशिवाय उपांत्य फेरीत पोहोचणाऱ्यांना १३.८८ कोटी आणि उपांत्यपूर्व फेरीत ७.४६ कोटी रुपये मिळतील. विशेष म्हणजे, पहिल्याच फेरीत पराभूत होऊन बाहेर पडणाऱ्या खेळाडूलाही सुमारे १.३४ कोटी रुपयांची भरभक्कम रक्कम मिळणार आहे.

दुहेरी आणि व्हीलचेअर प्रकारातील बक्षीस रक्कमही वाढली –

The total prize pool for the 2026 U.S. Open passes $100 million for the first time, with a total of $101,000,000.

It’s up 19% from last year’s $85,000,000.

Men’s and Women’s Singles Champions will receive $5.5 million. pic.twitter.com/QJvdMrkzjt

— The Tennis Letter (@TheTennisLetter) August 20, 2026

पुरुष, महिला आणि मिश्र दुहेरी प्रकारातील विजेत्या जोड्यांना सुमारे ९.५७ कोटी रुपये मिळतील, जे खेळाडू आपापसात वाटून घेतील. तर उपविजेत्या संघांना सुमारे ५ लाख डॉलर्स (अंदाजे ४.७८ कोटी रुपये) मिळतील. याव्यतिरिक्त, व्हीलचेअर एकेरीच्या विजेत्या खेळाडूंना सुमारे ९९ लाख रुपयांचे बक्षीस दिले जाणार आहे. USTA चे मुख्य कार्यकारी अधिकारी क्रेग टिली यांच्या मते, खेळाडूंच्या आर्थिक विकासासाठी आणि खेळाच्या विस्तारासाठी हे एक अत्यंत क्रांतिकारी पाऊल आहे.

हेही वाचा – Treesa Gayatri Medal : १५ वर्षांचा दुष्काळ संपला! त्रिशा-गायत्री जोडीचा वर्ल्ड चॅम्पियनशीमध्ये महाउलटफेर; चीनच्या जोडीला नमवून पदक केले पक्के

२३ ऑगस्टपासून स्पर्धेला सुरुवात; कार्लोस अल्काराझचे पुनरागमन –

The 2026 US Open will offer the largest ever Grand Slam prize fund 💰

The men’s and women’s singles champions will each receive $5.5m out of a total pot of $108m 🤑 pic.twitter.com/Cx1OCMNOSb

— TNT Sports (@tntsports) August 21, 2026

यूएस ओपन २०२६ ची सुरुवात २३ ऑगस्टपासून होणार असून १३ सप्टेंबर रोजी पुरुष एकेरीच्या अंतिम सामन्याने स्पर्धेची सांगता होईल. चार महिन्यांच्या प्रदीर्घ विश्रांतीनंतर गतविजेता कार्लोस अल्काराझ (Carlos Alcaraz) आपले जेतेपद राखण्यासाठी कोर्टवर उतरणार आहे. बार्सिलोना ओपनदरम्यान मनगटाला झालेल्या दुखापतीमुळे अल्काराझला फ्रेंच ओपन आणि विम्बल्डनसारख्या मोठ्या स्पर्धांना मुकावे लागले होते. आता पूर्णपणे तंदुरुस्त होऊन तो नव्या उत्साहात मैदानात उतरत आहे.