Union Minister Resignation : पंतप्रधान नरेंद्र मोदी यांच्या मंत्रिमंडळातील केंद्रीय रेल्वे आणि अन्न प्रक्रिया उद्योग राज्यमंत्री रवनीत सिंग बिट्टू यांनी आपल्या मंत्रीपदाचा राजीनामा दिला आहे. पंतप्रधानांच्या सल्ल्यानुसार राष्ट्रपती द्रौपदी मुर्मू यांनी संविधानाच्या कलम 75(2) अंतर्गत त्यांचा राजीनामा तात्काळ स्वीकारला असल्याची अधिकृत माहिती राष्ट्रपती भवनाकडून देण्यात आली आहे. (Union Minister Resignation)

राजीनाम्यामागचं कारण काय?

रवनीत सिंग बिट्टू यांचा राज्यसभा सदस्य म्हणून कार्यकाळ 21 जून रोजी संपुष्टात आला होता. त्यानंतर झालेल्या राज्यसभा निवडणुकीत भाजपने त्यांना पुन्हा उमेदवारी दिली नाही. त्यामुळे मंत्रीपदावर कायम राहण्याचा घटनात्मक आधार संपुष्टात आल्याने त्यांनी राजीनामा दिला. राजकीय वर्तुळात मात्र, 2027 च्या पंजाब विधानसभा निवडणुकीवर लक्ष केंद्रित करण्यासाठी त्यांनी हा निर्णय घेतल्याची चर्चा सुरू आहे. (Union Minister Resignation)

काँग्रेसमधून भाजपमध्ये, त्यानंतर मोदी मंत्रिमंडळात

रवनीत सिंग बिट्टू हे पंजाबचे माजी मुख्यमंत्री दिवंगत बेअंत सिंह यांचे नातू आहेत. त्यांनी मार्च 2024 मध्ये काँग्रेसला सोडचिठ्ठी देत भाजपमध्ये प्रवेश केला होता. यानंतर पंतप्रधान नरेंद्र मोदी यांनी जून 2024 मध्ये आपल्या तिसऱ्या कार्यकाळातील मंत्रिमंडळात त्यांना केंद्रीय राज्यमंत्री म्हणून संधी दिली होती.(Union Minister Resignation)

यापूर्वी त्यांनी आनंदपूर साहिब आणि लुधियाना लोकसभा मतदारसंघातून काँग्रेसच्या तिकिटावर विजय मिळवला होता. तसेच लोकसभेत काँग्रेसचे नेते म्हणूनही त्यांनी काही काळ जबाबदारी सांभाळली होती. (Union Minister Resignation)

पंजाबच्या राजकारणात वाढणार हालचाली?

बिट्टू यांच्या राजीनाम्यानंतर पंजाब भाजपच्या आगामी रणनीतीबाबत चर्चांना वेग आला आहे. विधानसभा निवडणुकांच्या पार्श्वभूमीवर पक्षात मोठ्या संघटनात्मक बदलांची शक्यता वर्तवली जात असून, बिट्टू यांच्याकडे राज्यातील महत्त्वाची राजकीय जबाबदारी सोपवली जाऊ शकते, अशीही चर्चा सुरू आहे. (Union Minister Resignation)

लोकसभेत प्रचंड गदारोळात ‘जी राम जी’ विधेयक मंजूर; शिवराज सिंह चौहान यांच्यावर फेकले कागद !