Union Budget 2026 : केंद्रीय अर्थमंत्री निर्मला सीतारमण यांनी 1 फेब्रुवारीला म्हणजे आज देशाचा 2026-27 चा केंद्रीय अर्थसंकल्प आज संसदेत सादर केलाय. निर्मला सीतारमण यांनी आज नवव्यांदा देशाचा अर्थसंकल्प सादर केलाय. यंदाच्या अर्थसंकल्पात रोजगार, शिक्षणात तरुण वर्गासाठी कोणत्या मोठ्या तरतुदी करण्यात आल्या त्याबाबत जाणून घेऊयात… शिक्षणासाठी कोणती तरतूद? देशात 5 ठिकाणी मेडिकल हब उभारले जाईल, देशात 3 नवीन आयुष आयुर्वैदीक कॉलेज उभे करणार. जामनगरच्या WHO केंद्राला विकसीत करणार. पाच युनिव्हर्सिटी टाऊनशिप उभे करणार, मेडिकल टुरिझम प्रमोट करण्यासाठी देशात 5 हब विकसित करणार. प्रत्येक जिल्ह्यात उच्चशिक्षणासाठी मुलींची वसतिगृह उभारणार, मुंबईत एबीजीसीची कंटेट क्रिएटिव्ह लॅब विकसित करणार, डिझाईन क्षेत्राला चालना देणारा, सरकारने एआय मिशन, सोबतच तरुणांसाठी आरोग्य संस्थेत आम्ही तंत्रज्ञानात भर घालणार खगोलशास्त्राला प्रोत्साहन दिले जाईल. 20,000 तरुणांना पर्यटन मार्गदर्शक म्हणून प्रशिक्षित केले जाईल. कंटेंट क्रिएटर लॅबची स्थापना केली जाईल. अर्थमंत्री निर्मला सीतारमण यांनी 3 नवीन अखिल भारतीय वैद्यकीय विज्ञान संस्था (एम्स) ची स्थापना करण्याची घोषणा केली आहे. देशाच्या 2026-27च्या अर्थसंकल्पात एक प्रमुख घोषणा म्हणजे देशभरातील पाच विद्यापीठ टाउनशिपचा विकास. या टाउनशिपमध्ये शैक्षणिक, संशोधन, वसतिगृहे, क्रीडा आणि स्टार्टअपसाठी एकच सुविधा उपलब्ध असेल. देशभरात पाच नवीन विद्यापीठे उघडण्याची घोषणा करण्यात आली आहे. खेलो इंडिया मिशन स्थापन खेलो इंडिया मिशन स्थापन केले जाईल. पुढील 10 वर्षांत या उपक्रमांतर्गत काम केले जाईल. या उपक्रमांतर्गत प्रशिक्षण केंद्रे स्थापन केली जातील. प्रशिक्षक आणि सहाय्यक कर्मचाऱ्यांना पद्धतशीरपणे प्रशिक्षित केले जाईल. महात्मा गांधी ग्राम स्वराज उपक्रमाचा प्रस्ताव महात्मा गांधी ग्राम स्वराज उपक्रमाचा प्रस्ताव देण्यात आला आहे. याचा फायदा विणकर आणि कुटीर उद्योगांना होईल. गरीब ग्रामीण तरुणांना याचा फायदा होईल. भारताकडे क्रीडा-संबंधित उत्पादने विकसित करण्याची क्षमता आहे. 3 नवीन शैक्षणीक संस्था उभारणार बायो फार्मातील संशोधन वाढवण्यासाठी 3 नवीन शैक्षणीक संस्था उभ्या करणार. १०,००० कोटी रुपयांची ‘बायोफार्मा शक्ती’ योजना केवळ संशोधनापुरती मर्यादित नसून ती फार्मा क्षेत्रात हजारो नवीन नोकऱ्या निर्माण करेल. याशिवाय, १ लाख अलाईड हेल्थ प्रोफेशनल्स आणि ७५,००० नवीन मेडिकल जागा तयार करण्याचे उद्दिष्ट आहे. यामुळे आरोग्य सेवा क्षेत्रात रोजगाराचा मोठा टप्पा गाठला जाईल. सेमीकंडक्टर आणि एआय भारताला तंत्रज्ञानाचे जागतिक केंद्र बनवण्यासाठी ‘इंडिया सेमीकंडक्टर मिशन २.०’ ची घोषणा करण्यात आली आहे. यात केवळ फॅक्टरी उभारण्यावर भर नसून, कुशल कार्यबल तयार करण्यासाठी उद्योगांच्या नेतृत्वाखालील संशोधन आणि प्रशिक्षण केंद्रे स्थापन केली जातील. हेही वाचा: Union Budget 2026: अर्थसंकल्पातून शेतकऱ्यांना काय मिळणार? अर्थमंत्र्यांकडून महत्त्वाच्या घोषणा
